जळगाव (प्रतिनिधी) शहरातील कानळदा रोडजवळील अल्पवयीन विद्यार्थीनी घरी असतांना तिला एका अज्ञात क्रमांकावरुन कॉल आला. त्यानंतर फोनवर अश्लिल बोलत अल्पवयीन विद्यार्थीनीचा विनयभंग केल्याची घटना २९ जानेवारी रोजी घडली. याप्रकरणी शहर पोलिसात त्या तरुणाविरुद्ध गुन्हा दाखल करण्यात आला आहे.
याबाबत पोलिसांकडून मिळालेली माहिती अशी की, शहरातील कानळदा रोडजवळील अल्पवयीन तरुणी आई वडील दोन भाऊ व बहिणीसोबत वास्तव्यास असून ही तरुणी एका महाविद्यालयात ११ वीचे शिक्षण घेत आहे. २९ जानेवारी रोजी दुपारी २ वाजेच्या सुमारास ही विद्यार्थीनी घरी असतांना तिला एका अज्ञात क्रमांकावरुन तिला कॉल आला आणि मी प्रतिक बोलत असे सांगत त्या अल्पवयीन विद्यार्थीनीसोबत बोलू लागला. दरम्यान या तरुणीकडून मी तुला ओळखत नसल्याचे सांगितल्याने मी तुला चांगल्या प्रकारे ओळखतो असे सांगत त्या विद्यार्थीनीला अश्लिल बोलीत त्या तरुणीला तिचे लग्न मोडण्याची धमकी देखील या तरुणाने त्या विद्यार्थीना दिली. यासर्व प्रकारामुळे ती तरुणी प्रचंड घाबरुन गेली होती. दरम्यान त्या तरुणीच्या आईने तिला विश्वासात घेतले असता त्या तरुणीने आईला घडलेला सर्व प्रकार सांगितला. दरम्यान त्या तरुणीच्या आईवडीलांनी तात्काळ पोलिसात धाव घेत तक्रार दाखल केली असून शनिवारी रात्रीच्या सुमारास त्या प्रतिक नामक तरुणाविरुद्ध शहर पोलिसात विनयभंग केल्याप्रकरणी गुन्हा दाखल करण्यात आला आहे.
