धुळे (प्रतिनिधी) पतपेढीचे कलेक्शनच्या निमित्ताने घरी येणाऱ्या एका तरुणाने घरात एकटी असल्याची संधी साधून महिलेशी अंगलट केले. एवढेच नव्हे तर या सर्व प्रकाराचे फोटो त्याने आपल्या मोबाईलमध्ये काढून घेत, पिडीतेकडे शरीर सुखाची मागणी केल्याचा धक्कादायक प्रकार उघडकीस आला आहे. याप्रकरणी रोहिदास प्रकाश देसले ऊर्फ बाळा (वय ३०), याच्याविरुद्ध गुन्हा दाखल करण्यात आला आहे.
पीडित महिलेने सोनगीर पोलिस ठाण्यात दिलेल्या तक्रारीत म्हटले आहे की, धुळे तालुक्यातील एका गावात घरी एकटी असल्याची संधी साधून पतपेढीचे कलेक्शन करणारा तरुण हा त्यांच्या घरी यायचा. पीडित महिला घरी एकटी असल्याची संधी साधून तिच्याशी इच्छा नसताना अंगलट करण्याचा प्रयत्न करत होता. एके दिवशी पीडिता घरी एकटी असताना तो तरुण त्यांच्या घरी आला आणि महिलेचा हात पकडून तिला घरात खेचत विनयभंग केला. एवढेच नव्हे तर, या सर्व प्रकाराचे फोटो त्याने आपल्या मोबाईलमध्ये काढून घेतले. यानंतर पीडित महिलेने आपल्याशी शरीर संबंध ठेवावा म्हणून पीडित महिलेचे फोटो व्हायरल करण्याची धमकी दिली. हा सर्व प्रकार एप्रिल २३ ते ११ जुलै २०२३ या कालावधीत घडला.
शेवटी त्रास असह्य झाल्यामुळे हा सर्व प्रकार तिने आपल्या पतीला सांगितला. यानंतर दोघांनी सोनगीर पोलिस ठाणे गाठत आपबिती कथन केली. याप्रकरणी सोनगीर पोलिस ठाण्यात रोहिदास प्रकाश देसले ऊर्फ बाळा याच्या विरोधात भादंवि कलम ३५४, ३५४ (ड), ५०६ प्रमाणे गुन्हा दाखल करण्यात आला असून पुढील पोलिस हेड कॉन्स्टेबल रवींद्र दराडे हे तपास करीत आहेत.
