धरणगाव (प्रतिनिधी) तालुक्यातील कल्याणेहोळ शिवारातील शेतकडील रोडवर लावलेली शेतकऱ्याची मोटारसायकल लांबविल्याची घटना समोर आली आहे. याप्रकरणी धरणगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात दिपुसिंग सांडुसिंग पाटील (वय ४८ रा. कल्याणेहोळ ता. धरणगाव) यांनी दिलेल्या फिर्यादीनुसार, दि. २४ जून २०२१ रोजी सकाळी ८.०० ते ११.०० वाजेच्या सुमारास कल्याणेहोळ शिवारातील शेतकडील रोडवर लावलेली २८ हजार रुपये किंमतीची बजाज प्लॅटिना कंपनीची मोटारसायकल क्र.एम.एच १९ डी.एच ९३८३ तिचा चेचीस क्र.MD२A७६AYOJWH१९९९४ व इंजीन क्र. PFYWJH६६३८१ असा असलेली जु.वा.कि.अ कोणीतरी अज्ञात चोरटयाने चोरून नेली. याप्रकरणी धरणगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. तसेच पुढील तपास पोहेका संतोष थोरात हे करीत आहेत.
