जळगाव (प्रतिनिधी) देशातील अनेक धार्मिक स्थळांना उघडण्यास परवानगी दिली असताना महाराष्ट्रात मात्र अद्यापही मंदिरांना कुलूप लागलेली आहेत. याच संदर्भात कोथळी येथील मुक्ताबाई मंदिरा बाहेर आंदोलन करण्यात आले. यावेळी खासदार रक्षाताई खडसे यांना आंदोलकांनी एक निवेदन देखील दिले.
जगभरात पसरलेल्या कोरोना विषाणूच्या धोक्यामुळे संपूर्ण देशात लॉकडाऊन सुरू करण्यात आले होते. अनलॉकची प्रक्रिया सुरू होऊन दुकाने, शासकीय कार्यालय, वाहने एवढेच नाही तर दारूची दुकाने व हॉटेलही उघडण्यात आले आहेत. परंतु महाराष्ट्र राज्यातील धार्मिक स्थळे देवस्थान व मंदिर उघडण्याची परवानगी देण्यात आलेली नाही. यासाठी मुक्ताबाई मंदिर कोथळी येथे आंदोलन करण्यात आले आहे.
याप्रसंगी उपस्थित खासदार रक्षाताई खडसे, डॉ. राजेंद्र फडके बेटी बचाव बेटी पढाव राष्ट्रीय संयोजक, तालुकाध्यक्ष राम पाटील, नगराध्यक्ष नजमाताई तडवी, उपनगराध्यक्ष मनिषा पाटील, माजी सभापती राजू माळी, तालुका सरचिटणीस चंद्रकांत भोलाणे, शिवराज पाटील, प्रवीण पाटील वासुदेव बढे, विजय भंगाळे, प्रेमचंद बढे, भैय्या पाटील, जितेंद्र पाटील, बापू ससाने, सुभाष पाटील पदाधिकारी व कार्यकर्ते उपस्थित होते.
