जळगाव प्रतिनिधी) खासदाराला साधा अर्ज भरता येऊ नये, याला काय म्हणावं, अशा शब्दांत शिवसेनेचे नेते आणि पाणीपुरवठा मंत्री ना. गुलाबराव पाटील यांनी रक्षा खडसे यांना जोरदार टोला लगावला.
काय म्हणाले गुलाबराव पाटील ?
एखाद्या कार्यकर्त्याचा अर्ज बाद होत असेल, त्याला कळत नसेल, त्यानं असा आरोप केला तर ठीक आहे. पण खासदाराचाच अर्ज बाद होत असेल तर तो काय गुलाबराव पाटलाने बाद केला का? असा खोचक प्रश्नही ना. गुलाबराव पाटील यांनी केला आहे.
रक्षा खडसे-स्मिता वाघ यांचे उमेदवारी अर्ज बाद
जिल्हा बँक निवडणुकीत भाजपला जोरदार धक्का बसलाय. भाजपच्या खासदार रक्षा खडसे आणि विधान परिषदेच्या माजी आमदार स्मिता वाघ यांचे उमेदवारी अर्ज बाद झाले आहेत. एकनाथ खडसेंच्या सूनबाई रक्षा खडसे यांनी महिला राखीव तसेच ओबीसी प्रवर्गातून उमेदवारी अर्ज दाखल केला होता. तर स्मिता वाघ यांनी अमळनेर विकास सोसायटी मतदारसंघातून अर्ज भरला होता.
