धरणगाव (प्रतिनिधी) खासदार उन्मेष पाटील यांनी आज ज्येष्ठ नेते डी.जी. पाटील यांची आज सदिच्छा भेट घेतली. यावेळी दोघांमध्ये आगामी लोकसभा निवडणुकीबाबत सखोल चर्चा झाल्याचे कळते.
कॉंग्रेसचे माजी प्रदेश सचिव डी.जी. पाटील यांनी नुकताच माजी मुख्यमंत्री अशोक चव्हाण आणि मंत्री गिरीश महाजन यांच्या प्रमुख उपस्थितीत भाजपात प्रवेश केला होता. रविवारी भाजपच्या वतीने धरणगावात जल्लोषात स्वागत करण्यात आले होते. त्यानंतर आज खासदार उन्मेष पाटील यांनी डी.जी. पाटील यांच्या घरी सदिच्छा भेट दिली. यावेळी खा. पाटील यांनी आगामी लोकसभा निवडणुकीबाबत डी.जी. पाटील यांचे मार्गदर्शन घेतले. दोघांमध्ये लोकसभा निवडणुकीबाबत सखोल चर्चा देखील झाल्याचे कळते. मात्र, चर्चेचा तपशील कळू शकला नाही. यावेळी भाजपचे ज्येष्ठ पदाधिकारी कमलेश तिवारी, शिरीष बयस,अॅड. संजय महाजन, राजेंद्र पाटील, दिलीप महाजन, कन्हैय्या रायपूरकर, कडू बयस, चंदन पाटील, प्रतिक जैन यांच्यासह पदाधिकारी उपस्थित होते.
