जळगाव (प्रतिनिधी) महावितरणच्या जळगाव परिमंडल कार्यालयात प्रजासत्ताक दिनी मुख्य अभियंता कैलास हुमणे यांच्या हस्ते ध्वजारोहण करण्यात आले.
यावेळी संविधानाच्या उद्देशिकेचे वाचन करण्यात आले. मुख्य अभियंता हुमणे यांनी भारतीय संविधानाचे महत्त्व तसेच भारतरत्न डॉ. बाबासाहेब आंबेडकर यांचा संविधानाचा मसुदा तयार करण्यातील मोलाचा वाटा याविषयी व त्यामुळे भारतीय नागरिकांना स्वातंत्र्य, समता व बंधुभाव या मिळालेल्या हक्कांविषयी सांगितले. संविधानामुळे भारतीय समाजात महिलांना मिळालेले मोलाचे स्थान व त्यामुळे महिलांनी विविध क्षेत्रात केलेली प्रगती याबाबत त्यांनी माहिती दिली. यावेळी जळगाव मंडलाचे अधीक्षक अभियंता फारुख शेख, कार्यकारी अभियंता राजेंद्र मार्के, उपमुख्य औद्योगिक संबंध अधिकारी अरुण शेलकर व जळगाव परिमंडलातील अधिकारी तसेच कर्मचारी उपस्थित होते.
