मुक्ताईनगर (प्रतिनिधी) मुक्ताईनगर पोलिसांनी (muktainagar police) आज तिसऱ्या दिवशीही ‘वॉश आऊट’ मोहीम सुरूच ठेवली आहे. आज पहाटे थेरोळा शेत शिवारात दोन ठिकाणी अवैध गावठी भट्टीवर धाड टाकत पोलिसांनी साधारण १ लाख ४० हजाराची गावठी दारू नष्ट केली आहे.
मागील दोन दिवसापासून मुक्ताईनगर पोलिसांनी अवैध गावठी दारू विरुद्ध धडाकेबाज कारवाई सुरूच ठेवली आहे. पहिल्या दिवशी अंतुर्ली, दुसऱ्या दिवशी पातोडी शेत शिवारात प्रत्येकी तीन ठिकाणी कारवाई करून अवैध दारू नष्ट केली होती. त्यानंतर आज तिसऱ्या दिवशी देखील मुक्ताईनगर पोलिसांनी धडक कारवाई सुरूच ठेवली आहे. आज पहाटे साडेसहा वाजेच्या सुमारास थेरोळा शेत शिवारात बुलडाणा जिल्हा सीमेलगत कुऱ्हा अंतर्गत पोलीस निरीक्षक शंकर शेळके, पीएसआय प्रदीप शेवाळे,राहुल बोरकर,पोहेकॉ. गणेश मनुरे, पो.ना.धर्मेंद्र ठाकूर, लतीफ तडवी, प्रदीप इंगळे, पोकॉ.रवींद्र धनगर, संभाजी बीजगरे, सागर सावे, गोपीचंद सोनवणे, राहुल नावकर यांनी दोन ठिकाणी धाड टाकत आरोपींना ताब्यात घेतले आहे. घटनास्थळावरून साधारण १,४०,५०० रुपयाचा दारू आणि रसायन नष्ट करण्यात आले आहे. दरम्यान, मुक्ताईनगर पोलिसांनी तिसऱ्या दिवशीही ‘वॉश आऊट’ मोहीम सुरूच ठेवल्यामुळे अवैध धंदेवाल्यांमध्ये प्रचंड भीतीचे वातावरण पसरले आहे.
