मुक्ताईनगर (प्रतिनिधी) एका अल्पवयीन मुलीने काही तरी विषारी औषध प्राशन करून आत्महत्या केली होती. वैद्यकीय अहवालातून पिडीता अडीच महिन्याची गर्भवती असल्याचा धक्कादायक प्रकार उघडीस आला. मात्र, मयत मुलीच्या कुटुंबियांनी तक्रार देण्यास नकार दिला. त्यामुळे बालकल्याण समितीच्या तक्रारीनंतर अज्ञात व्यक्तीविरुद्ध गुन्हा दाखल करण्यात आला आहे.
मुक्ताईनगरातील १६ वर्षीय अल्पवयीन मुलीने विषारी औषध सेवन केल्यामुळे तिला जळगावच्या शासकीय रुग्णालयात दाखल केले होते. मुलीचा मृत्यू झाल्यानंतर मयत मुलगी अडीच महिन्याची गर्भवती असल्याने तिच्यावर कुणी तरी अत्याचार केल्याचे उघडीस आले. याबाबत मयत मुलीच्या कुटुंबियांना विचारणा केली. परंतु, त्यांनी याबाबत काहीच माहित नसल्याचे सांगता तक्रार देण्यात नकार दिला. या प्रकरणी पोलिसांतर्फे बालकल्याण समितीला पत्रक पाठवण्यात आले. त्यानुसार सदर घटनेचा मुक्ताईनगर पोलिसांत नोंद करून घेतली आहे. पुढील तपास राहुल बोरेकर करीत आहेत.
