जामनेरात वॉचमनचा निर्घुण खून ; अज्ञात मारेकऱ्याविरुद्ध गुन्हा दाखल !

जामनेर (प्रतिनिधी) रात्रीच्या वेळी दुकानाची रखवाली करणाऱ्या वॉचमनला मारहाण करून गंभीर जखमी करण्यात आले होते. या वॉचमनचा उपचारादरम्यान मृत्यू झाला आहे. अरुण आत्माराम सैतवाल (वय ६५, रा. शास्त्री नगर जामनेर) असे मयत वॉचमनचे नाव आहे. या प्रकरणी अज्ञात इसमाविरुद्ध खुनाचा गुन्हा दाखल करण्यात आला आहे.

या संदर्भात अधिक असे की, अरुण सैतवाल हे जामनेर येथील शरद बारी यांच्या दुकानावर वॉचमनचे काम करत होते. 11 ऑगस्टच्या सकाळी ८ वाजेच्या पूर्वी (वेळ निश्चित माहित नाही)सुमारास ते झोपेत असतांना काही जण त्याठिकाणी आले आणि त्यांनी सैतवाल यांना मारहाण केली. या मारहाणीत त्यांच्या डोक्याला गंभीर दुखापत झाली होती. मारहाणीनंतर मारेकरी पळून गेले होते. जखमी सैतवाल यांना उपचारार्थ गोदावरी हॉस्पीटल जळगाव खुर्द येथे दाखल करण्यात आले होते. परंतू 19 ऑगस्ट रोजी सायंकाळी त्यांचा उपचारादरम्यान मयत झाले. या प्रकरणी जामनेर पोलिस स्टेशनला अज्ञात मारेकऱ्याविरुद्ध खुनाचा गुन्हा दाखल करण्यात आला आहे. पुढील तपास पोलिस उप निरीक्षक दिपक मोहिते करत आहेत.