जळगाव (प्रतिनिधी) शहरातील इक्विटस स्मॉल फायनान्स बँक शाखेत गहाण ठेवलेली जागा परस्पर विक्री केल्याचा प्रकार समोर आला आहे. याप्रकरणी जिल्हा पेठ पोलीस ठाण्यात विठ्ठल काशिनाथ बावस्कर, सरला कडू उर्फ सरला विठ्ठल बावस्कर (दोन्ही रा. जामनेर) यांच्याविरुद्ध गुन्हा दाखल करण्यात आला आहे.
यासंदर्भात अधिक असे की, दि. २२ मार्च २०१९ ते दि. ५ जून २०२० पर्यन्त वेळोवेळी विठ्ठल काशिनाथ बावस्कर, सरला कडू उर्फ सरला विठ्ठल बावस्कर (दोन्ही रा. जामनेर) यांनी गणेश शेडूते यांच्या जळगाव फायनान्स बँक शाखातुन १२ लाख रुपये घेतले होते. यासाठी गट नं. ४८७ प्लॉट नं. ४० यांचे क्षेत्र २२५.०० चौरस मीटर दस्त नं. ३७८९/२०१६ हे गहाण ठेवले होते. मात्र विठ्ठल आणि सरला यांनी गहाण ठेवलेला प्लॉट परस्पर विक्री करुन बॅकेची फसवणूक केली. याप्रकरणी गणेश भालचंद्र शेडूते (वय ३५ रा. जालना, इन्कम टॅक्स कॉलनी जुना जालना) यांनी दिलेल्या फिर्यादीवरून जिल्हा पेठ पोलीस ठाण्यात विठ्ठल काशिनाथ बावस्कर, सरला कडू उर्फ सरला विठ्ठल बावस्कर यांच्याविरुद्ध गुन्हा दाखल करण्यात आला आहे. पुढील तपास सपोनि किशोर पवार करीत आहेत.
