नाशिक (वृत्तसंस्था) दिंडोरीचे प्रांताधिकारी निलेश अपार यांच्याविरुध्द ४० लाख रुपयांची लाच मागितल्या प्रकरणी लाचलुचपत प्रतिबंधक विभागाने त्यांच्याविरुध्द दिंडोरी पोलीस ठाण्यात गुन्हा दाखल करण्यात आला आहे.
दिंडोरी तालुक्यातील लखमापूर येथील एका कंपनीच्या मालकाकडे जागा कायम करण्यासाठी प्रांत अधिकारी अपार यांनी ४० लाख रुपयांची मागणी केली होती. परंतू तक्रारदार यांची लाच देण्याची इच्छा नसल्यामुळे संबंधिताने लाचलुचपत प्रतिबंधक विभागाकडे रीतसर तक्रार नोंदवली. या तक्रारीची पडताळणी केल्यानंतर लाचलुचपत प्रतिबंधक विभागाने बुधवारी दिंडोरी पोलीस ठाण्यात गुन्हा दाखल केला.
दरम्यान, यातील तक्रार यांची दिंडोरी येथे कंपनी असून त्यांचे कंपनीचे बांधकाम करताना त्यांनी अकृषीक परवानगी न घेतल्याने त्यांच्या कंपनीस आलोसे निलेश अपार यांच्याकडून नोटीस बजावण्यात आलेली होती. तसेच त्यांनी कंपनीचे उत्पादन बंद करण्याबाबत तोंडी सांगितलेले होते. सदर कंपनीविरुद्ध कारवाई न करण्यासाठी तसेच बंद कंपनी पुन्हा सुरू करण्यासाठी तक्रारदार यांच्याकडे 50 लाखाची मागणी केली. यानंतर तडजोडी अंती 40 लाख रुपयांची मागणी करून स्विकारण्याची तयारी दाखविली म्हणून अपार यांच्याविरुद्ध गुन्हा दाखल करण्यात आला आहे.
