धरणगाव (प्रतिनिधी) येथील कला वाणिज्य व विज्ञान महाविद्यालयात बी. सी. ए (प्रथम वर्ष) एम. एस सी ऑरगॅनिक केमिस्ट्री (प्रथम वर्ष) या अभ्यासक्रमांना क. ब. चौ. उत्तर महाराष्ट्र विद्यापीठ यांनी शैक्षणिक वर्ष 2023-24 पासून मान्यता दिली आहे. स्वातंत्र्य दिन अमृत महोत्सवानिमित्त नवीन शैक्षणिक वर्षात सुरुवात करण्यात आली.
अभ्यासक्रमांसाठी आवश्यक असलेल्या सुसज्ज प्रयोगशाळा, संदर्भ ग्रंथ तसेच उच्चशिक्षित प्राध्यापक वर्ग महाविद्यालयात कार्यरत आहेत. त्या अनुषंगाने नव्याने तयार करण्यात आलेल्या बी.सी.ए च्या संगणक प्रयोगशाळेचे उद्घाटन संस्थेचे अध्यक्ष डॉ. अरुणजी कुलकर्णी यांच्या हस्ते याप्रसंगी संस्थेचे सचिव डॉ. मिलिंदजी डहाळे, संचालक अजयजी पगारिया, प्राचार्य डॉ. अरुण वळवी, उपप्राचार्य प्रा. संदीप पालखे, बी.सी.ए समन्वयक प्रा. डॉ. दीपक बोन्डे , प्रा.डॉ गौरव महाजन, प्रा. पुर्वा कुलकर्णी, प्रा. श्रद्धा चौटे, प्रा. मंथन जैन हे उपस्थित होते. सदर अभ्यासक्रमांसाठी प्रवेश मर्यादीत असल्याने विद्यार्थ्यांनी त्वरित प्रवेशासाठी संपर्क साधावा असे आवाहन महाविद्यालय प्रशासनाद्वारे करण्यात येतआहे.