पाटणा (वृत्तसंस्था) मंत्रिमंडळाच्या बैठकीत विधानसभा भंग करण्याची शिफारस आल्यानंतर नितीश कुमार यांनी राज्यपालांकडे राजीनामा सोपविला आहे.
नुकत्याच झालेल्या बिहार विधानसभा निवडणुकीनंतर मुख्यमंत्री नितीशकुमार यांनी राज्यपालांकडे आपला राजीनामा सोपवलाय. यापूर्वी, आज झालेल्या एनडीएच्या बैठकीत दिवाळीनंतर आपला नवा नेता निवडण्यात येईल, असा निर्णय घेण्यात आला. मंत्रीमंडळाच्या बैठकीत विधानसभा भंग करण्याची शिफारस करण्यात आल्यानंतर नितीशकुमार यांनी आपला राजीनामा राज्यपालांकडे सोपवलाय. मुख्यमंत्री नितीशकुमार यांच्या निवासस्थानी ही बैठक पार पडली. आता यानंतर पुढची बैठक दिवाळीनंतर अर्थात १५ नोव्हेंबर रोजी दुपारी १२.३० वाजता होणार असल्याची माहिती मुख्यमंत्री नितीशकुमार यांनी दिली. मंगळवारी जाहीर झालेल्या बिहार विधानसभा निवडणूक २०२० च्या निकालात २४३ सदस्यांच्या विधानसभेत राष्ट्रीय जनता दलानं (RJD) ७५ जागांवर विजय मिळवलाय. दुसऱ्या क्रमांकावर असणाऱ्या भाजपनं ७४ जागा आपल्या ताब्यात घेतल्यात. तर जेडीयूला ४३, काँग्रेसला १९, एलजेपी १ आणि इतरांना ३१ जागा मिळाल्यात. भाजप आणि नितीशकुमार यांच्या एनडीएकडे १२५ जागा आहेत. एनडीएमध्ये सहभागी असलेल्या व्हीआयपी आणि हम यांना चार – चार जागा मिळाल्या आहेत. सातव्यांद राज्याचं मुख्यमंत्रीपद मिळण्याच्या शक्यतांवर नुकतंच नितीशकुमार यांनी ‘हा निर्णय एनडीएचे आमदार करतील. मी हा कधीही दावा केलेला नाही की राज्याचा पुढचा मुख्यमंत्री मीच असेन’ असंही त्यांनी म्हटलं होतं.
यापूर्वी आज झालेल्या एनडीएच्या बैठकीत दिवाळीनंतर आपला नवा नेता निवडण्यात येईल असा निर्णय घेण्यात आला. मुख्यमंत्री नितीश कुमार यांच्या निवासस्थानी ही बैठक पार पडली. यापुढची बैठक १५ नोव्हेंबरला होणार आहे अशीही माहिती नितीश कुमार यांनी यावेळी दिली आहे.
