मुंबई (वृत्तसंस्था) अकरावी प्रवेशा संदर्भात महत्त्वाची अपडेट समोर आली आहे. त्यानुसार राज्याच्या शिक्षण विभागाने (Maharashtra Education Department) यंदाच्या अकरावी प्रवेश (11th Admission) परीक्षेचे संभाव्य वेळापत्रक जाहीर केले आहे. त्यानुसार दहावीचा निकाल (SSC) जाहीर होण्यापूर्वीच विद्यार्थ्यांना अकरावी प्रवेश अर्जाचा भाग-1 भरायचा आहे. तर दहावीचा निकाल जाहीर झाल्यानंतर अर्जाचा भाग-2 भरायचा आहे.
मुंबई ,पुणे ,पिंपरी-चिंचवड नाशिक, अमरावती ,औरंगाबाद,नागपूर या महापालिका क्षेत्रात अकरावी परीक्षेची ऑनलाइन प्रवेश प्रक्रिया सुरू होणार आहे. यासंदर्भात संभाव्य वेळापत्रक जाहीर झाले असून 1 मे ते 14 मे दरम्यान विद्यार्थ्यांना अर्ज भरण्याचा सराव करता येणार आहे. तर 17 मे ते दहावीचा निकाल जाहीर होईपर्यंत विद्यार्थ्यांना अकरावी प्रवेश अर्जाचा पहिला भाग भरायचा आहे. दहावी परीक्षेचा निकाल जाहीर झाल्यानंतर भाग-2 भरून त्यानंतर दरवर्षी प्रमाणे तीन नियमित फेऱ्या होतील. त्यानंतर एक विशेष फेरी होईल. या चारही फेऱ्यांमध्ये जर विद्यार्थ्यांना प्रवेश मिळाला नाही तर प्रतिक्षा यादी (वेटिंग लिस्ट) जाहीर करण्यात येणार आहे. या यादीनुसार विद्यार्थ्यांना प्रवेश देण्यात येणार आहे. यंदाच्या वर्षापासून ‘प्रथम येणाऱ्यास, प्रथम प्राधान्य’ ही फेरी रद्द करण्यात आली आहे.
असे आहे अकरावी प्रवेश प्रक्रियेचे संभाव्य वेळापत्रक
1 मे ते 14 मे – विद्यार्थ्यांनी अकरावी प्रवेश प्रक्रियेच्या ऑनलाईन अर्ज भाग- एक भरण्याचा सराव संकेतस्थळावर करणे
17 मे ते दहावीचा निकाल जाहीर होईपर्यंत – अकरावी प्रवेशासाठी विद्यार्थ्यांनी नोंदणी करून प्रवेश अहर्ताचा भाग एक भरून व्हेरीफाय करणे
दहावीचा निकाल जाहीर झाल्यानंतर पाच दिवस – अकरावी प्रवेशाचा भाग-2 भरणे, महाविद्यालयाचे पसंती क्रमांक भरणेनियमित फेरी 1 – 10 ते 15 दिवस
नियमित फेरी 2 – 7 ते 9 दिवस
नियमित फेरी 3 – 7 ते 9 दिवस
विशेष फेरी – 7 ते 8 दिवस
उर्वरित विद्यार्थ्यांसाठी उपाय योजना करणे – ‘प्रथम येणाऱ्यास, प्रथम प्राधान्य’ ऐवजी प्रतिक्षा यादीचा अवलंब करून विद्यार्थ्यांना प्रवेश देणे
