धरणगाव (प्रतिनिधी) स्व. माजी नगरसेवक राजेंद्र किसन महाजन यांच्या प्रथम स्मृती दिनानिमित्त शिवसेनेकडून (शिंदे गट) महाआरोग्य शिबीर आयोजित करण्यात आले आहे. यावेळी जिल्ह्यातील तज्ञ डॉक्टर तपासणी करून मार्गदर्शन करणार आहेत. दरम्यान, यावेळी रक्तदान करणाऱ्या दात्यांना मिळणार मोफत शर्ट दिले जाणार आहे.
माजी नगरसेवक स्व. राजेंद्र किसन महाजन यांचे १६ जानेवारी रोजी प्रथम स्मृती दिन आहे. तसेच शहर प्रमुख विलास महाजन यांचा वाढदिवस आहे. या दोघां गोष्टींचे औचित्य साधत शिंदे गटाने महाआरोग्य शिबीराचे आयोजन केले आहे. या आरोग्य शिबिरात डॉ.दीपक पाटील,डॉ. आनंद निकुंभे,डॉ. गोविंद मंत्री,डॉ. तुषार चौधरी, डॉ. पंकज शहा, डॉ.शौनक पाटील, डॉ.सचिन पाटील, डॉ.हिना चौधरी, डॉ.विशाल जैन, डॉ.वैजयंती उपाध्ये, डॉ.अक्षय भावे हे अनुभवी डॉक्टर तपासणी व मार्गदर्शन करणार आहेत.
यावेळी हृदयरोग, कर्करोग,त्वचारोग, मेंदू रोग, अवयव प्रत्यारोपण, स्त्रीरोग,मानसिक आरोग्य, ग्रंथींचे विकार, जेनेटिक विकार, मूत्रविकार, नेत्रतपासणी, अस्थिव्यंग, मधुमेह, श्वसनाचे विकार, कान, नाक, घसा, प्लॅस्टिक सर्जरी, दंतरोग, लठ्ठपणा, हार्निया, अॅपेंडिक्स, आतड्याचे विकार, अस्थिव्यंगोपचार, बालहृदयविकार अशा विविध आजारांची तपासणी विनामूल्य करण्यात येणार आहे. तसेच यावेळी रक्तदान करणाऱ्या दात्यांना शर्ट देण्यात येणार आहे. झुमकराम सार्वजनिक वाचनालय मेन रोड कोटबाजार येथे सकाळी १० ते ४ वाजेच्या दरम्यान होणार आहे. उपस्थितीचे आवाहन पवन महाजन, तौसीफ पटेल,जितेश (सोनू) महाजन यांनी केले आहे.
