जळगाव (प्रतिनिधी) एरंडोल तालुक्यातील वनकोठे येथून घरफोडी करणाऱ्या एका आरोपीला स्थानिक गुन्हे शाखेच्या पथकाने अटक केली आहे. आजस हिरालाल मोहिते (वय-१९ रा. वनकोठे ता.एरंडोल) असं ताब्यात घेतलेल्या संशयिताचे नाव आहे.
पोलीस निरीक्षक किरणकुमार बकाले यांना गोपनीय माहिती मिळाली होती की. एरंडोल तालुक्यातील वनकोठे येथील एक तरुण गवंडी काम करीत असताना कासोदा गावात चोऱ्या करत असतो. त्या अनुषंगाने श्री. बकाले यांनी स्थानिक गुन्हे शाखेचे पोलीस उपनिरीक्षक रवींद्र गिरासे, सहाय्यक फौजदार विजय पाटील, नरेंद्र वारुळे, जयंत चौधरी, कमलाकर बागुल, विजय पाटील, भगवान पाटील, नंदलाल पाटील, सचिन महाजन, राजेंद्र पवार यांचे पथक रवाना केले होते. या पथकाने आजस हिरालाल मोहिते याला चौकशीसाठी ताब्यात घेतले. चौकशी केल्यानंतर आजच याने १२-१३ऑक्टोंबरच्या मध्यरात्री दिनेश दिलीप साळुंखे (रा. सोनार गल्ली, कासोदा) यांच्या घरात प्रवेश करून चोरी केली होती. दरम्यान आजस मोहितेला पुढील तपासकामी कासोदा पोलिसांच्या ताब्यात देण्यात आले आहे. संशयित आरोपीकडून एरंडोल, कासोदा, पारोळा येथील घरफोडी उघडकीस येण्याची शक्यता आहे.
