धरणगाव (प्रतिनिधी) पोलीस स्टेशनला का आले आहेत?, असे सहज विचारल्याचा राग आल्याने एकाला मारहाण केल्याप्रकरणी तालुक्यातील सार्वे येथील दोघांविरुद्ध गुन्हा दाखल करण्यात आला आहे.
या संदर्भात सार्वे येथील पोलीस पाटील जितेंद्र महादू अहिरे (वय ४०) यांनी फिर्याद दिली आहे. यानुसार अहिरे यांनी आपल्या फिर्यादीत म्हटले आहे की, नारायण भगवान पाटील आणि एकनाथ भगवान पाटील (दोन्ही रा. सार्वे) हे पोलीस स्थानकात आले होते. याबाबत त्यांना सहज विचारले असता याचे त्यांना वाईट वाटले. यारून दोघांनी श्री. अहिरे यांना चापटा बुक्क्यांनी तोंडावर, पाठीवर व पोटात मारहाण केली. एवढेच नव्हे तर तू घरी चल तूला आम्ही आज जिंवत सोडणार नाही, अशी धमकी दिली. याप्रकरणी गुन्हा दाखल करण्यात आला असून पुढील तपास स.फौ. संतोष थोरात हे करीत आहेत.
