जळगाव (प्रतिनिधी) तालुक्यातील कानसवाडी येथील माजी सरपंच विकास बंडू सोनवणे (वय-५५,रा. कानसवाडी ता.जि.जळगाव ह.मु. रामानंद नगर) यांचा आज सकाळी शहरातील गौरव हॉटेलजवळ अज्ञात वाहनाच्या धडकेत मृत्यू झाला आहे.
अधिक माहिती अशी की, विकास सोनवणे हे आज सकाळी ६ वाजेच्या सुमारास आईला भेटण्यासाठी दुचाकी क्रमांक (एमएच १९ – ६९४०) ने दुचाकीने कानसवाडी येथे गेले होते. त्यानंतर कानसवाडी येथून नशिराबादला कामाच्या निमित्ताने गेले. नशिराबाद येथून काम आटोपून जळगावला येत असताना सकाळी ८ वाजेच्या सुमारास जळगावातील हॉटेल गौरव जवळ समोर अज्ञात वाहनाने जोरदार धडक दिली. या धडकेत डोक्याला गंभीर दुखापत झाल्याने त्यांचा जागीच मृत्यू झाला. दरम्यान, विकास सोनवणे हे रस्त्यांच्या कामाचे ठेकेदाराचे काम करतात. तसेच ते कानसवाडी गावाचे माजी सरपंच आहे.
