जळगाव (प्रतिनिधी) शहरातील गेदालाल मिल परिसरातील रिक्षा थांब्याजवळ एका प्रौढाच्या हातावर चाकूसारख्या पट्टीने मारहाण करीत जखमी केल्याची घटना घडली आहे. याप्रकरणी शहर पोलिसात गुन्हा दाखल करण्यात आला आहे.
सविस्तर वृत्त असे की, शहरातील गेदालाल मिल परीसरातील मुख्य रस्त्यावरील रिक्षा थांब्याजवळ अशोक रामचंद्र कोळी (वय ४५, धंदा नोकरी ह.मु.राधारमण अपार्टमेंट नवीन कानळदा रोड) यांना दि ७ रोजी रात्री ७ ते ८ वाजेच्या दरम्यान काहीही कारण नसताना दीपक भोसले याने त्यांच्या हातावर पट्टी मारत दुखापत केली आहे. याप्रकरणी अशोक कोळी यांनी शहर पोलिसात धाव घेत गुन्हा दाखल केला असून पुढील तपास पोना.ओमप्रकाश सोनी हे करीत आहेत.
