धरणगाव (प्रतिनिधी) नगरसेवक तथा शिवसेनेचे गटनेते विनय उर्फ पप्पुभाऊ भावे आणि शिवसेनेचे उपशहर प्रमुख रविंद्र जाधव यांच्या वाढदिवसानिमित्त उद्या विविध कार्यक्रमांचे आयोजन करण्यात आले आहे.
असा असेल कार्यक्रम
उद्या 25 ऑक्टोबर रोजी सकाळी ९.३० वा. गो- शाळा येथे चारा वाटप, सकाळी १०.०० वा. सत्यनारायण चौक मशिदअली परिसर येथे वृक्षारोपण, सकाळी १०.३० वा. ग्रामीण रुग्णालयात फळ वाटप, संध्याकाळी ५ वा. बडगुजर गल्ली येथे रोडाच्या कामाचे भूमिपूजन, संध्याकाळी ५.३० वा. आई तुळजाभवानी नगर मरीआई मंदिराचे नामकरण व शिवसेना शाखेचे उद्घाटन, संध्याकाळी ६.३० वा. कोटबाजार साने पटांगण येथे भूमिपूजन, संध्याकाळी ७ वा. साने पटांगण कोट बाजार येथे ह.भ.प.पुरुषोत्तम महाराज बुलढाणेकर यांचे दणदणीत जाहीर किर्तन व अभिष्टचिंतन सोहळ्याचे आयोजन करण्यात आले आहे.
यांची राहणार प्रमुख उपस्थिती
यावेळी पाणीपुरवठा व स्वच्छता तथा पालकमंत्री ना. गुलाबराव पाटील, शिवसेना लोकसभा सहसंपर्क गुलाबराव वाघ यांची प्रमुख उपस्थिती राहणार आहे. तरी धरणगाव शहरातील नागरिक, सर्व शिवसेना, युवासेना व विद्यार्थी सेना, अल्पसंख्याक सेना, व्यापारी सेना, युवतीसेना, नगरसेवक, नगरसेविका, नगराध्यक्ष पदाधिकारी व कार्यकर्ते यांनी उपस्थित रहावे,असं आवाहन शहर शिवसेनेतर्फे करण्यात आले आहे.
