गडचिरोली (वृत्तसंस्था) ओळखीचा फायदा घेत ५ वर्षांपासून एका अल्पवयीन मुलाचे लैंगिक शोषण करणाऱ्या तिघांना देसाईगंज पोलिसांनी ९ जून रोजी अटक केली. यातील दोन संशयित आरोपी हे शिक्षक, तर एक न्यायालयात कारकून आहे. या घटनेमुळे प्रचंड खळबळ उडाली आहे.
अक्षय दादाजी रामटेके, पवन दादाजी रामटेके (दोघेही रा. तुळशी, ता. देसाईगंज) व भूपेश मोहनलाल कनोजिया (रा. देसाईगंज) अशी अटकेतील संशयित आरोपींची नावे आहेत. अक्षय रामटेके हा गडचिरोली न्यायालयात कारकून असून पवन रामटेके व भूपेश कनोजिया हे दोघेही शिक्षक आहेत. या तिघांपैकी एका आरोपीच्या मित्राच्या माध्यमातून पीडित मुलाशी ओळख झाली. त्यातून दोघांचे संबंध आले. पुढे त्याने अन्य २ आरोपींना माहिती दिल्यानंतर तेदेखील त्या मुलाचे लैंगिक शोषण करू लागले. परंतु दहशतीमुळे अल्पवयीन मुलाने आजपर्यंत काही सांगितले नव्हते.
दरम्यान, आरोपींपैकी एकाचे काही महिन्यांपूर्वीच लग्न झाले. त्याच्या वागणुकीवर शंका आल्याने त्याच्या पत्नीने यासंदर्भात गोपनीय चौकशी केली असता वेगळीच माहिती पुढे आली. आपल्या पतीचे एका अल्पवयीन मुलाशी संबंध असल् तिच्या लक्षात आले व प्रकरणाचे बिंग फुटले. पीडित मुलाच्या तक्रारीनंतर देसाईगंज पोलिसांनी आरोपींना बेड्या ठोकल्या. न्यायालयाने १५ जूनपर्यंत पोलिस कोठडी सुनावली आहे. सूत्रांनी दिलेल्या माहितीनुसार या प्रकरणात आरोपींची संख्या वाढू शकते.
