यावल (प्रतिनिधी) फैजपूर शहरातील एका भागातील ३० वर्षीय महिलेच्या घरात घुसत तरुणाने तिच्यावर जबरदस्ती लैंगिक अत्याचार केल्याची संतापजनक घटना उघडकीस आली आहे. या प्रकरणी फैजपूर पोलिस ठाण्यात तरुणाविरुद्ध लैंगिक अत्याचारासह विविध कलमान्वये गुन्हा दाखल करण्यात आली असून त्याला अटक करण्यात आली आहे.
पिडीत महिलेने पोलिस ठाण्यात दिलेल्या फिर्यादीत म्हटले आहे की, मंगळवारी रात्री १० वाजेच्या सुमारास पिडीत महिला आपल्या घरात झोपली होती. त्यावेळी शेख आरिफ शेख जाबीर (वय २६) हा तरुण घरात आला आणि जर कोणाला काही सांगितले आणि आवाज काढला तर मी सांगेल की, तुझे-माझे पूर्वीपासून लफडं होते, अशी धमकी देत तिच्यावर लैंगिक अत्याचार केले आणि नंतर तेथून फरार झाला.
भेदरलेल्या महिलेने नंतर हा प्रकार कुटुंबियांना सांगितला. फैजपूर पोलिस ठाण्यात या प्रकरणी गुन्हा दाख करून संशयित शेख आरिफ शेख जाबीर यास पोलिसांनी अटक केली. पुढील तपास फैजपूरचे सहायक पोलिस निरीक्षक सिद्धेश्वर आखेगावकर यांच्या मार्गदर्शनात पोलिस उपनिरीक्षक मोहन लोखंडे, हवालदार चेतन महाजन, हर्षल चौधरी, गुलबक्ष तडवी आदी करत आहेत.
