धरणगाव (प्रतिनिधी) महाराष्ट्रातील ग्रंथालयांच्या विविध समस्यांबाबत मुख्यमंत्री एकनाथ शिंदे यांना महाराष्ट्र ग्रंथालय संघातर्फे धरणगावचे माजी नगराध्यक्ष पी.एम. पाटील यांनी निवेदन दिले.
महाराष्ट्रात जवळजवळ 12 हजार ग्रंथालय असून गेल्या अनेक वर्षापासून ग्रंथालयांची अतिशय दयनीय अवस्था झाली असून रोजंदारी पेक्षा सुद्धा कमी वेतन ग्रंथालय कर्मचाऱ्यांना मिळत आहे. वास्तविक पाहता महाराष्ट्रातील अनेक ग्रंथालय बंद पडण्याच्या मार्गावर आहेत. 8 तास काम करून ड वर्गातील कर्मचाऱ्याला 50 रुपये रोज मिळतो. वर्षभरातून 30 हजार रुपयांमध्ये ग्रंथालय चालवा, त्यात भाडे कर्मचाऱ्यांच्या वेतन वर्तमानपत्रे, मासिके वर्षभर संपूर्ण खर्च 50 टक्के पुस्तकांवर खरेदी उर्वरित 15 हजारमध्ये कर्मचाऱ्यांच्या पगार व इतर खर्च संस्था कशी करत असेल याचा विचार करावा. 12 वर्षापासून कोणतेही अनुदानात वाढ झाली नाही. नवीन वाचनालयांना परवानगी मिळाल्या नाहीत. वाचनालयाच्या दर्जा बदल झाला नाही. तरी मुख्यमंत्री शिंदे यांनी या मागण्यांच्या विचार करून आम्हाला न्याय द्यावा, अशा मागणी पत्र मुख्यमंत्री एकनाथ शिंदे यांना महाराष्ट्र ग्रंथालय संघाचे पी एम पाटील सर यांनी दिले आहे. या प्रसंगी डी.ओ.पाटील,रवींद्र पाटील,रवींद्र चव्हाण,दीपक पाटील,योगेश पी.पाटील उपस्थित होते. यावेळी मंचावर महाराष्ट्र राज्याचे वैद्यकीय शिक्षण मंत्रीगिरीशभाऊ महाजन,पाणीपुरवठा मंत्री गुलाबरावजी पाटील,उद्योग मंत्री उदय सामंत,आमदार चिमणराव पाटील, आमदार किशोर पाटील,आमदार राजू मामा भोळे,चंदूभाई पटेल,बापू पाटील आदी उपस्थित होते.
