बोदवड (प्रतिनिधी) आज दुपारी चार वाजता अग्रेसन भवन येथे तालुका आढावा बैठक ठेवण्यात आली होती. यावेळी तालुक्यातील पंचायत समिती कर्मचारी पैश्यांची मागणी करतात, अशी गंभीर तक्रार ग्रामस्थांनी केल्यानंतर खळबळ उडाली.
या बैठकीत आमदार चंद्रकांत पाटील, तहसीलदार मयुर कळसे गटविकास अधिकारी श्रीकृष्ण इंगळे ,नगरपंचायत मुख्यालय अधिकारी गजानन तायडे , नगराध्यक्ष आंनदा पाटील संजय गांधी निराधार योजना बोदवड अध्यक्ष डॉ. उध्दव पाटील,मुक्ताईनगर संजय गांधी योजना अध्यक्ष आनंदराव देशमुख हजर होते. यावेळी तालुक्यातील पंचायत समिती अन्तर्गत कामाबाबत तसेच कर्मचारी गैरवर्तना बाबत जास्त तक्रारी तालुक्यातील लोकप्रतिनिधी व नागरिकांनी केल्यात. यामध्ये महात्मा गांधी रोजगार हमी योजच्या माध्यमातून करण्यात येणारे घरकुल, गोठा, शौचालय यासाठी मिळणारा पहीला निधी तसेच उर्वरित मिळणारा निधी लाभार्थी यांना मिळावा यासाठी दिनेश अंजाळे, लोकेश सरोदे व बांधकाम कर्मचारी घरकुलासाठी १० हजार, गोठा ५ हजार, शौचालयसाठी २ हजार रूपये मागणी करतात, अशा तक्रारी नागरिकांनी केल्या.
मुक्तळ येथील जलजीवन मिशन पाणी पुरवठा योजना मधून घेण्यात आलेल्या विहिरीला पुरेसे पाणी नसताना ठेकेदाराने योजनेसाठी असलेल्या अटी व शर्तीचे पालन न करता नियम बाह्य पध्दतीने जलवाहिनीचे काम सुध्दा करून टाकले व टाकीचे काम ही सुरू असुन अशी तक्रार मुक्तळ येथील प्रकाश पाटील यांनी केली. यावेळी आमदार पाटील यांनी संबंधित अधिकाऱ्यांना नियमबाह्य कामाचे देयक अदा करू नये, असे निर्देश दिले. गौण खनिज स्वामित्व रक्कम ग्रामपंचायतीला परत मिळते त्यासाठी ग्रामसेवक यांनी ग्रामपंचायतला मिळणाऱ्या गौण खनिज स्वामित्व रक्कम मिळणे बाबत महसूल विभागाकडे पत्र व्यवहार केलेला आहे का? असा प्रश्न केला असता नाही असे उत्तर ग्रामसेवककडून आले.
आमदारांनी विषयी गटविकास अधिकारी यांनी आढावा घेऊन ज्या ग्रामसेवकाचा असे पत्र दिले नसतील त्यांना कारने दाखवा नोटीस द्यावी असे निर्देश दिले. या बैठकीत जिल्हा परिषद शाळेच्या शिक्षकाच्या रिक्त जागान बाबत लवकर निर्णय घेऊन शिक्षक किवा स्वयंसेवक नेमणूक करावी अशी नागरिकांनी मागणी केली. बोदवड येथील उर्दू शाळा शिक्षक रफिक अहमद ताज हे विद्यार्थ्यांना त्रास देतात तसेच पालकांनी सुध्दा असभ्य भाषेत बोलतात माझे राजकीय संबंध असून माझे कोणी बिघडवू शकत नाही, असे म्हणतात म्हणून त्याच्यावर कारवाई करावी अशी मागणी बशिर कंडक्टर यांनी केली.
यावेळी पाच शिधापत्रिका धारकांना आमदार पाटील यांच्या हस्ते शिधापत्रिका वाटप करण्यात आले. यावेळी तालुक्यातील यावेळी स्वीय सहाय्यक प्रवीण चौधरी, निना पाटील, सुभाष देवकर ,दिनेश माळी ,गोलू बरडीया ,हर्षल बडगुजर,तसेच तहसील, पंचायत समिती, शिक्षण विभाग ,वीज वितरण विभाग, कृषी विभाग, राज्य परिवहन महामंडळ ,सार्वजनिक बांधकाम विभाग, नगरपंचायत , यांचे कर्मचारी यांच्यासह तालुक्यातील तालुक्यातील सरपंच, ग्रामपंचायत सदस्य ,राजकीय पदाधिकारी,सामाजिक कार्यकर्ते उपस्थित होते.
