सूरत (वृत्तसंस्था) सुरतजवळील कडोदरामध्ये गुजरात औद्योगिक विकास महामंडळात भीषण आग लागल्याची घटना घडली आहे. या दुर्घटनेत दोन कामगारांचा मृत्यू झाला तर काहीजण जखमी आहेत. आग लागल्याची माहिती मिळताच अग्निशमन दलाच्या १०हुन अधिक गाड्या घटनास्थळी दाखल झाल्या आहे. दरम्यान, विवा पॅकेजिंग मिलमध्ये आग लागल्यानंतर जीव वाचण्यासाठी काही मजुरांनी पाच मजल्यावरून उड्या मारल्या.
स्थानिक माध्यमांच्या वृत्तानुसार, घटनेची माहिती मिळताच अग्निशमन दलाच्या १० हून अधिक गाड्या घटनास्थळी दाखल झाल्या असून, आग आटोक्यात आणण्याचा प्रयत्न सुरू आहे. तसेच, घटनास्थळी उच्च अधिकारीदेखील पोहोचले आहेत. अग्निशमन दलाने सांगितल्यानुसार, अग्निशमन दल बचाव कार्यासाठी येण्यापूर्वी काही कामगारांनी इमारतीवरुन खाली उड्या मारल्या. आतापर्यंत मिळालेल्या माहितीनुसार, या घटनेत दोन कामगारांचा मृत्यू झालाय तर काहीजण जखमी आहेत. दरम्यान, १२५ मजुरांना वाचवण्यात आलं आहे.
सुरतचे महापौर आणि इतर वरिष्ठ अधिकाऱ्यांनी सांगितले की, आग आटोक्यात आणण्याबरोबरच मदत आणि बचाव कार्यावरही भर दिला जात आहे. तसेच, जखमींना तातडीने रुग्णालयात दाखल करण्यात आलं आहे.
