जळगाव (प्रतिनिधी) जिल्हा मानियार बिरादरीने पद्मश्री डॉ. भवरलाल जैन यांच्या जन्मदिनाच्या पूर्व संध्येला शुभचिंतन कार्यक्रमाअंतर्गत जिल्ह्यातील शायर (कवी), अफसाना निगार (लघु कथाकार व कादंबरीकार) व सहाफी (पत्रकार) यांचा उर्दू मेळावा ११ डिसेंबर शनिवारी सकाळी १० वाजता कांताई सभागृह, जळगाव येथे आयोजित केला असून या उर्दू कलमकारांच्या मेळाव्यानिमित्त कलमकारांचा (लेखकांचा) जिल्हा मानियार बिरादरीतर्फे गौरव करण्यात येणार आहे.
मानियार बिरादरीचे अध्यक्ष फारुख शेख यांनी पत्रकात नमूद केले आहे की, कदाचित महाराष्ट्रात नव्हे तर भारतात प्रथमतःच असा कार्यक्रम होत आहे. ज्यात एका समाजिक संघटनेने उर्दू शायर (कवी), उर्दू अफसाना निगार (लघु कथाकार व कादंबरीकार) व उर्दू भाषिक सहाफी (पत्रकार) यांना एकाच व्यासपीठावर आमंत्रित करून त्यांच्या कार्याचा गुणगौरव करून त्यांचा यथोचित सन्मान करणार आहे.
जिल्ह्यातील सर्व उर्दू कलमकार यांना व्हाट्सअपद्वारे निमंत्रण पत्रिका पाठवलेल्या आहेत. ज्यांना मिळाली नसेल त्यांनी कृपया या कार्यक्रमाला उपस्थिती द्यावी व आपली नावे मोबाईल क्रमांक ९४२३१८५७८६ या क्रमांका वर कळवावी, असे आवाहन मानियार बिरादरीचे अध्यक्ष फारुक शेख यांनी केले आहे.
