धरणगाव (प्रतिनिधी) तालुक्यातील आनोरे येथील बळीराम जीवन महाजन विद्यालया इयत्ता दहावी वर्ग ९० टक्के पेक्षा अधिक गुण मिळवणाऱ्या गुणवंत विद्यार्थ्यांचा व त्यांच्या पालकांच्या सत्कार समारंभाचे नुकतेच आयोजन आनोरे विद्यालयात करण्यात आले होते.
५ जून रोजी सकाळी ९ वाजता आयोजित कार्यक्रमाच्या अध्यक्षस्थानी संस्थेचे अध्यक्ष रमेश खंडू महाजन होते तर प्रमुख पाहुणे संस्थेचे सचिव काशिनाथ मिस्तरी उपाध्यक्ष मधुकर देशमुख संचालक डॉक्टर राजाराम महाजन जगन्नाथ महाजन होते. कार्यक्रमाचे प्रास्ताविक शाळेचे मुख्याध्यापक एम.एच. चौधरी यांनी केले. यावेळी त्यांनी शाळेची यशस्वी वाटचाल याबद्दल सविस्तर मार्गदर्शन केले. या वर्षी ९० टक्के पेक्षा अधिक गुण मिळवणारे तब्बल ११ विद्यार्थी आहेत. त्यात प्रामुख्याने वैष्णवी धनराज पाटील, वैष्णवी सतीश पाटील, वैभवी प्रवीण पाटील, प्रियंका रवींद्र महाजन, मयुरी गुलाब पाटील, आशिष जगन सोसत्या, संजना प्रवीण पाटील, योगेश विजय पाटील, तुषार ज्ञानेश्वर सोनवणे, तेजस प्रमोद पाटील, नंदिनी एकनाथ पाटील या विद्यार्थ्यांचा समावेश आहे. आज पालकांचा विद्यालयाच्या वतीने पेढे भरून गुलाब पुष्प देऊन सत्कार करण्यात आला.
यावेळी विद्यार्थ्यांचे मनोगत म्हणून वैष्णवी धनराज पाटील आणि योगेश विजय पाटील या विद्यार्थ्यांनी मनोगत व्यक्त केले. तर पालकांमधून धनराज पाटील, एकनाथ पाटील यांनी मनोगत व्यक्त करून शाळेप्रती आभार मानले. मान्यवरांमध्ये संस्थेचे उपाध्यक्ष मधुकर देशमुख व संचालक डॉक्टर राजाराम महाजन यांनी संस्थेची शाळेचे वाटचाल तसेच विद्यार्थ्यांना शुभेच्छा दिल्या. यावेळी पालक म्हणून धनराज पाटील, सतीश पाटील, प्रवीण पाटील, रवींद्र महाजन, गुलाब पाटील, जगन सोसू त्या, प्रवीण पाटील, विजय पाटील, ज्ञानेश्वर सोनवणे, प्रमोद पाटील, एकनाथ पाटील तसेच आर.बी. महाले, एच.आर.महाजन, के.आर.महाजन, डी.बी. महाजन, ए.ए. पाटील, कल्पेश वारुळे, सोमनाथ महाजन, किरण महाजन, बाळकृष्ण सुतार, प्रकाश माळी आदी उपस्थित होते. कार्यक्रमाचे सूत्रसंचालन इयत्ता दहावीचे वर्गशिक्षक बी.आर. महाजन यांनी केले तर आभार ए.के. पाटील यांनी मानले.
