पारोळा (प्रतिनिधी) तेरा वर्षीय अल्पवयीन मुलीला लग्नाचे आमिष दाखवत फूस लावून पळवून नेत तिच्यावर अत्याचार केल्याचा धक्कादायक प्रकार समोर आला आहे. याप्रकरणी पारोळा पोलीस ठाण्यात एकाविरुद्ध गुन्हा दाखल करण्यात आला आहे.
पारोळा तालुक्यातील एका गावात तेरा वर्षीय अल्पवयीन मुलगी ही आपल्या कुटुंबासह वास्तव्याला आहे. त्याच गावात राहणारा पदमदास धनराज पवार वय २२ या तरूणाने पिडीत मुलीला लग्नाचे आमिष दाखवत तिला फूस लावून पळवून नेल्याची घटना घडली होती. त्यावेळी पिडीत मुलीसोबत संशयित आरोपीने प्रेमसंबंधातून तिच्यावर जबरी अत्याचार केला. हा प्रकार घडल्यानंतर पिडीत मुलीने घडलेला प्रकार नातेवाईकांना सांगितला. त्यानुसार पिडीत मुलीच्या आईने मंगळवारी १३ ऑगस्ट रोजी रात्री ८ वाजता पारोळा पोलीसात धाव घेवून तक्रार दिली. त्यांनी दिलेल्या तक्रारीवरून संशयित आरोपी परमदास धनराज पवार याच्यावर गुन्हा दाखल करण्यात आला आहे. पुढील तपास पोलीस उपनिरीक्षक राजु जाधव हे करीत आहे.
