बोदवड (प्रतिनिधी) बोदवड येथे निरक्षक तथा शाळाबाह्य मुलांचे सर्वेक्षण कार्यक्रमांतर्गत सर्वेक्षण सुरू झाले आहे.
केंद्र सरकार पुरस्कृत निरक्षर व शाळा बाह्य मुलांचे सर्वेक्षणास संपूर्ण राज्यांमध्ये १७ ऑगस्ट पासून सुरवात झाली आहे. सदर सर्वेक्षण ३१ ऑगस्टपर्यंत पूर्ण करायचे आहे. सदर सर्वेक्षणमध्ये २०२२ ते२०२७ वर्ष पर्यंत राज्यात दर वर्षी सव्वा सहा लाख निरक्षर शोधण्याचे लक्ष निर्धारित केले आहे. परंतू मागील वर्षी सुरवात न झालेमुळे यावर्षी साडेबारा लाख निरक्षर शोधण्याचे लक्ष ठेवण्यात आले आहे. पुढे त्यांना शिक्षित करणे हे सुध्दा ध्येय सरकारने ठेवल आहे.
यासाठी बोदवड केंद्र येथे शहरातील सतरा प्रभागासाठी निरनिराळया टीम तयार करण्यात आल्या आहेत. यात सर्व माध्यमाच्या, सर्व व्यवस्थापनाच्या शाळांचा समावेश केंद्र प्रमुख गोपाळ पाटील यांनी केलेला आहे. तसेच न. ह. रांका हायस्कूलचे मुख्याध्यापक पी.एम. पाटील सर यांचे मार्गदर्शनात राजेश शामसुंदर अग्रवाल हे नोडल अधिकारी म्हणून जबाबदारी पार पाडत आहेत. जनगणना असो, निवडणूक असो की, कुठलेही प्रकारचे सर्वेक्षण असो प्राथमिक सर्व शिक्षक राष्ट्रीय कार्य त्यांचे ज्ञानदानाचे कार्य सोबत पार पाडून हे कर्तव्यसुद्धा बजावत आहेत.
