मुक्ताईनगर (प्रतिनिधी) कार्यकर्ते भाजपा सोडतायेत, त्यांच्या मनात असुरक्षितता आहे. माझ्या मागे ईडी लावली जातेय. नाथाभाऊला कसे तुरुंगात टाकता येईल, यासाठी भाजपकडून सातत्याने प्रयत्न सुरू आहेत. परंतु भाजपा माझा जेवढा छळ करेल तेवढे त्यांना महागात पडणार आहे, असा असा इशारा राष्ट्रवादी काँग्रेसचे नेते एकनाथ खडसेंनी दिला आहे. ते मुक्ताईनगरमध्ये आयोजित मेळाव्यात बोलत होते.
या मेळाव्यात बोलताना राष्ट्रवादी काँग्रेसचे नेते एकनाथ खडसे यांनी देखील भाजपला लक्ष्य केले. आज कार्यकर्ते भाजपा सोडतायेत, त्यांच्या मनात असुरक्षितता आहे, इतकं करूनही नाथाभाऊला न्याय मिळाला नाही, त्यांच्यामागे ईडी लावली जातेय, काय काय धंदे केले जातात, नाथाभाऊला कसे तुरुंगात टाकता येईल, यासाठी भाजपकडून सातत्याने प्रयत्न सुरू आहेत. परंतु मी आयुष्यभर कधीही दोन नंबरचे धंदे केले नाहीत. आपण असे उद्योग केले नाहीत म्हणून भाजपला शोधूनही काहीही सापडले नाही. अख्ख्या जळगाव जिल्ह्यात कोणीही सांगावं कोणाकडून नोकरीसाठी पैसे घेतलेत. कामासाठी पैसे घेतलेत/ एकाने उभं राहावं आणि सांगावं नाथाभाऊ खोटं बोलतायेत असं आव्हान त्यांनी दिले. त्याचसोबत ४० वर्षापासून नाथाभाऊ असाच आहे. काहीच चुकीचे उद्योग केले नाहीत, म्हणून भारतीय जनता पार्टीला नाथाभाऊंबद्दल शोधून शोधूनही काहीच सापडत नाहीय. त्याचसाठी नाथाभाऊंचा छळ सुरू आहे आणि हे छळणं महागात पडेल. पण भाजपाला मी सांगू इच्छितो जेवढं तुम्ही नाथाभाऊंचा छळ कराल तेवढचं तुमच्यापासून पदाधिकारी आणि माणसं दूर जातील आणि ते राष्ट्रवादीकडे वळतील. आजही अनेक पदाधिकारी राष्ट्रवादीत येतायेत, असेही खडसेंनी म्हणाले.
