नवी दिल्ली (वृत्तसंस्था) सध्यातरी पेट्रोल आणि डिझेलच्या (Petrol and Diesel Price Today) वाढत्या किमतींपासून जनतेला दिलासा मिळण्याची आशा दिसत नाही. इंधनाचे दर सातत्याने वाढत आहेत (Fuel Prices Increase). तेल कंपन्यांनी 5 दिवसात 4 वेळा किंमत वाढवली आहे. आता पुन्हा एकदा पेट्रोल आणि डिझेलच्या दरात 80 पैशांनी वाढ करण्यात आली आहे. अशाप्रकारे पाच दिवसांत पेट्रोल आणि डिझेलच्या दरात 3.20 रुपयांनी वाढ झालीय.
भारतीय पेट्रोलियम मार्केटिंग कंपनी इंडियन ऑइल कॉर्पोरेशनच्या ताज्या अपडेटनुसार, आज (शनिवार) राष्ट्रीय राजधानीत पेट्रोलची किंमत 98.61 रुपये प्रति लीटर तर डिझेलची किंमत 89.87 रुपये प्रति लिटरवर पोहोचलीय. देशाची आर्थिक राजधानी मुंबईत 26 मार्च 2022 रोजी पेट्रोलचा दर प्रति लिटर 112.51 रुपये वरून 113.35 रुपये प्रति लिटर झालाय. तर डिझेलचा दर आता 96.70 रुपयांवरून 97.55 रुपये प्रति लिटर झाला आहे. दिल्लीशिवाय इतर सर्व महानगरांमध्ये पेट्रोल 100 रुपयांच्या पुढं विकलं जात आहे.
शहराचे नाव पेट्रोल डिझेल
दिल्ली 98.61 89.87
मुंबई 113.35 97.55
कोलकाता 108.02 93.01
चेन्नई 104.43 94.47
5 दिवसांत इतकी वाढली किंमत
एका आठवड्यात पेट्रोल आणि डिझेलच्या किमती 5 दिवसांत 4 वेळा वाढल्या आहेत. 22 मार्च रोजी देशभरात पेट्रोल आणि डिझेलच्या दरात प्रतिलिटर 80 पैशांनी वाढ करण्यात आली होती. यानंतर 23 मार्च रोजी दोन्ही इंधनांच्या किमती 80-80 पैशांनी वाढल्या होत्या. त्याच वेळी, 25 आणि 26 मार्च रोजी देखील तेल कंपन्यांनी राष्ट्रीय स्तरावर पेट्रोल आणि डिझेलच्या दरात 80 पैशांनी वाढ केलीय.
