जळगाव (प्रतिनिधी) मोटार सायकल घेण्यासाठी माहेरहून ५० हजार आणण्यासाठी विवाहित महिलेचा शारीरिक व मानसिक छळ केल्याची घटना उघडकीस आली आहे. याप्रकरणी एमआयडीसी पोलिस स्थानकात पतीसह तीन जणांविरुद्ध गुन्हा दाखल करण्यात आला आहे.
यासंदर्भात तमन्नाबी इमरान शहा (वय २१ रा. ह.मु. बिलाल चौक, तांबापुरा, जळगाव) यांनी दिलेल्या फिर्यादीनुसार, पती इम्रान शहा इमाम शहा, सासरे इमाम शहा, सासू जरीनाबी इमाम शहा, नणंद सुलतानाबी शहा (रा. पापानगर, भुसावळ, ता. भुसावळ) यांनी तमन्नाबी शहा यांना मोटार सायकल घेण्यासाठी माहेरहून ५० हजार आणावे म्हणून शारीरिक व मानसिक छळ केला. याप्रकरणी तमन्नाबी शहा यांनी दिलेल्या फिर्यादीवरून एमआयडीसी पोलिस स्थानकात गुन्हा दाखल करण्यात आला आहे. पुढील तपास पोहेकॉ नितीन बी पाटील करीत आहेत.
