चोपडा (प्रतिनिधी) शहरात सोनसाखळी चोरट्यांचे प्रमाण वाढल्यामुळे त्यावर नियंत्रण मिळवण्यासाठी पोलिसांनी चौका-चौकात कडक बंदोबस्त लावलेला आहे.
चोपडा पोलिसांनी चौका-चौकात सोनसाखळी चोरट्यांचा बंदोबस्त करण्यासाठी कडक निगराणी सुरु केली आहे. धनवाडी फाट्यावर स्पोर्ट बाईक चालकांची चौकशी करून पूर्ण खात्री करत होते. तसेच त्यांच्याकडून आरसी बुक किंवा गाडीचे पेपर आणि नंबर प्लेट चेक केली जात होती. पोलिसांनी स्पोर्ट बाईक चालकांवर जास्त करून लक्ष केंद्रित केलेले आहे. कारण रामकुवर नगरमध्ये जी काही चोरीची घटना घडली ती स्पोर्ट बाईक चालकांनीच केली असल्याचे पोलिस तपासात समोर आले आहे.
धनवाडी फाटा ,शिवाजी चौक, अकोलखेडा जुना शिरपूर रोड या ठिकाणी चोख बंदोबस्त ठेवून चोरट्यांवर नजर ठेवली जात आहे. चोपड्यात वाढत्या चोरीमुळे नागरिकांमध्ये भितीचे वातावरण आहे. महिलांना देखील संध्याकाळी रोडावर निघण्यासाठी विचार करावा लागत आहे. तरी या चोरींवर नियंत्रण लावण्यासाठी डीवायएसपी ऋषिकेश रावले यांच्या मार्गदर्शनाखाली पोलीस निरीक्षक के.के. पाटील यांच्या मार्गदर्शनाखाली पी.एस.आय घनश्याम तांबे, पोहेका. ज्ञानेश्वर जवागे, पोहेका शेषराव तोरे,पो.ना. संदीप भोई ,सुभाषा सपकाळे, पो.का. सुमेर वाघरे, रविंद्र बोरसे आदींनी चौकात चौक बंदोबस्त करून कॉलनी परिसरात देखील फेरफटका मारतही कडक नजर ठेवत आहे.
