जळगाव (प्रतिनिधी) येथील शिवाजीनगर खडके चाळ भागातील रहिवासी तथा खासगी वाहनावरील चालकाने राहत्या घरात गळफास घेत आत्महत्त्या केल्याची घटना घडली आहे. या प्रकरणी शहर पोलिस ठाण्यात अकस्मीक मृत्युची नोंद करण्यात आलीय.
यासंदर्भात अधिक असे की, शिवाजीनगर खडेकेचाळ भागात मंगल प्रताप पाटील (वय-४५) पत्नी व मुलगा शुभम यांच्यासह वास्तव्यास आहे. मोरोक्को स्टॉपवर खासगी वाहन चालवून कुटूंबीयांचा उदरनिर्वाह करतात. मंगळवारी दुपारी बारा वाजेच्या सुमारास त्यांनी राहत्या घरात गळफास घेतल्याचे आढळून आले. कुटूंबीयांनी आरडा ओरड केल्यावर शेजार्यांनी मदतीला धाव घेतली. घटनेची माहिती कळताच शहर पोलिस घटनास्थळी दाखल झाले. सहाय्यक फौजदार बशीर तडवी, राजेंद्र परदेशी यांनी पंचनामा करुन मंगल पाटील यांना जिल्हा रुग्णालयात हलवले. डॉक्टरांनी तपासणी अंती मृत घोषीत केल्यावर मृतदेह शवविच्छेदनगृहात आणण्यात आला. शवविच्छेदनानंतर दुपारी कुटूंबीयांना मृतदेह सेापवण्यात आला. मंगल प्रातप पाटिल यांच्या पश्चात पत्नी, एक मुलगा, एक मुलगी असा परिवार आहे.
