चोपडा (प्रतिनिधी) चोपडा शहर व तालुका पत्रकार बांधवातर्फे पाचोरा येथील पत्रकारावर भ्याड हल्ला करणाऱ्या गावगुंडावर पत्रकार संरक्षण कायद्यान्वये कडक कारवाई करावी अशी जोरदार मागणी एका निवेदनाद्वारे तहसिलदार भाऊसाहेब थोरात,व शहर पोलिस निरीक्षक के.के.पाटील यांच्याकडे करण्यात आली आहे. तात्काळ कारवाई न झाल्यास तीव्र स्वरूपाचे आंदोलन छेडण्यात येईल, असा इशाराही दिला आहे.
पाचोरा येथील पत्रकार संदीप महाजन यांना काही दिवसाअगोदर पाचोऱ्याचे आमदार किशोर पाटील यांनी अत्यंत खालच्या पातळीची शिवीगाळ करून मारहाण करणे बाबत धमकी दिली होती. त्यानंतर लगेचच दि. ९ रोजी पत्रकार संदीप महाजन वृत्तांकनावरून परत येत असतांना त्यांच्यावर तीन ते चार इसमांनी भ्याड हल्ला करीत त्यांना जबर जखमी केले. सदर भ्याड हल्ला हा आमदार किशोर पाटील यांच्याच कार्यकर्त्यांनी केल्याचा आरोप पत्रकार संदीप महाजन यांनी केला आहे. या भ्याड हल्ल्याचा चोपडा तालुक्यातील सर्व पत्रकार बांधवांनी एकत्रित येत जाहीर निषेध केला आहे. हा भ्याड हल्ला करणारे व त्यामागे असणाऱ्या मास्टरमाइंडवर पत्रकार संरक्षण कायद्यांतर्गत गुन्हा दाखल व्हावा, तसेच पत्रकार संदीप महाजन व त्यांच्या कुटुंबियांना पोलीस संरक्षण देण्तात यावे अशी मागणीही केली आहे.
याप्रसंगी शामकांत जाधव,,संजय सोनवणे, संजय बारी, मिलिंद सोनवणे, चंद्रकांत पाटील, श्रीकांत नेवे, अनिल पालीवाल, प्रविण पाटील, पंकज पाटील, संदीप ओली, उमेश नगराळे, सचिन जयस्वाल, महेश पी. शिरसाठ, नंदलाल मराठे, लतिष जैन,हेमकांत गायकवाड,विनायक पाटील,आत्माराम पाटील, मिलिंद वाणी, तुषार सूर्यवंशी, , विश्वास वाडे, ,,, समाधान कोळी, जगन्नाथ बाविस्कर, शुभम माळी,मन्सूर तडवी,शुभम साळूंके , कुतिल पाटील आदी पत्रकार बांधव मोठ्या संख्येने उपस्थित होते.
