जयपूर (वृत्तसंस्था) राजस्थानमधील अलवर जिल्ह्यात (Alwar District) १५ वर्षांच्या मूकबधिर अल्पवयीन मुलीवर बलात्कार (15 Year Minor Girl Sexually Assaulted) करून तिला रक्तबंबाळ अवस्थेत रस्त्यावर फेकून देण्यात आले होते. या घटनेची तीव्रता एवढी आहे की दिल्लीतील निर्भया प्रकरण डोळ्यासमोर आलं. जयपूरमध्ये आठ डॉक्टरांच्या टीमने पीडितेचं मोठं ऑपरेशन केलं आहे. पीडितेची अवस्था सध्या स्थिर असल्याचं सांगितलं जात आहे.
अल्वरमधील सामूहिक बलात्कारानंतर रस्त्यावर फेकलेल्या अल्पवयीन मुलीला बुधवारीच अलवरहून जयपूरला घेऊन जाण्यातं आलं. जयपूरच्या जेके लोन हॉस्पिटलमध्ये ८ डॉक्टरांच्या टीमने पीडितेवर मोठं ऑपरेशन केलं. ऑपरेशननंतर पीडितेची प्रकृती स्थिर आहे. तिला आयसीयूमध्ये ठेवण्यात आलं आहे. पीडितेला रक्तही देण्यात आलं आहे. तिची एक शस्त्रक्रियाही करावी लागणार आहे. पीडितेचा रक्तदाब आणि ऑक्सिजन सामान्य आहे.
या १४ वर्षांच्या मूकबधीर अल्पवयीन मुलीवर अल्वरमध्ये सामूहिक बलात्कार तर झालाच, पण गुन्हेगारांनी क्रौर्याची परिसीमा ओलांडली आणि धारदार वस्तूने तिच्या प्रायव्हेट पार्टला इजा केली. यामुळे पीडिता गंभीर जखमी झाली. मंगळवारी रात्री पीडित तरुणी एका उड्डाण पुलाजवळ पडलेली आढळून आली. प्रथम तिला अल्वर येथील रुग्णालयात नेण्यात आलं. मात्र तिची प्रकृती गंभीर असल्याने प्राथमिक उपचारानंतर तिला तातडीने जयपूरला रेफर करण्यात आलं. आरोपींच्या अटकेसाठी एसआयटी गठीत करण्यात आली आहे. मात्र अद्याप आरोपी पोलिसांच्या ताब्यात आलेले नाहीत.
