भुसावळ (प्रतिनिधी) शहरातील एका परिसरातील १४ वर्षीय अल्पवयीन मुलीचा विनयभंग केल्या प्रकरणी एका विरोधात गुन्हा दाखल करण्यात आला आहे.
सविस्तर वृत्त असे की, शहरातील एका परिसरात १४ वर्षीय अल्पवयीन मुलगी ३० रोजी व २ रोजी शाळेच्या रस्त्यावर तसेच घराजवळ संशयित आरोपी सचिन राजू मोरे(वय ३०) याने अल्पवयीन मुलीस वाईट उद्देशाने मुलीचा पाठलाग करून हातवारे करीत विनयभंग केला. एवढेच नव्हे तर पिडीत अल्पवयीन मुलीच्या भावास शिवीगाळ करीत जीवे ठार मारण्याची धमकी दिल्याप्रकरणी भुसावळ शहर पोलीस स्थानकात गुन्हा दाखल करण्यात आला आहे. पुढील तपास पो.उ.नी.दिलीप चौधरी हे करीत आहेत.
