रावेर (प्रतिनिधी) नदीकाठावर असलेल्या झाडाला पतीने तर दुसऱ्या दिवशी शेतातील झाडाला पत्नीने गळफास घेत आत्महत्या केल्याची धक्कादायक घटना सोमवारी उघडकीस आली. त्यांच्या आत्महत्येचे कारण अस्पष्ट असून याप्रकरणी निंभोरा व रावेर पोलीस ठाण्यात अकस्मात मृत्यूची नोंद करण्यात आली आहे. सुकलाल महेंद्रसिंग चव्हाण (वय ४४), प्यारीबाई सुकलाल चव्हाण (वय ४२, रा. बेलखेडा, मध्यप्रदेश) असे मयत दाम्पत्याचे नाव आहे.
मध्यप्रदेशातील बेलखेडा येथील सुकलाल महेंद्रसिंग चव्हाण या प्रौढाने भोकर नदी जवळील एका बाभळीच्या झाडाला शर्टच्या सहाय्याने गळफास घेऊन आत्महत्या केली. त्याचा मृतदेह रविवारी आढळून आला. याप्रकरणी निंभोरा पोलीस ठाण्यात अकस्मात मृत्यूची नोंद करण्यात आली आहे. तर दुसऱ्या दिवशी खिरोदा प्र. रावेर गावाजवळील रसलपूर आभोडा रोडवरील कमलेश नथ्थु महाजन यांच्या शेतात प्यारीबाई सुकलाल चव्हाण या महिलेचा गळफास घेत आत्महत्या केली. याप्रकरणी शेतमालक कमलेश महाजन यांनी दिलेल्या खबरीवरुन अकस्मात मृत्यूची नोंद करणयात आली आहे.
दोघ पती पत्नीने आत्मत्या केल्यामुळे परिसरात एकच खळबळ माजून गेली असून त्यांच्या आत्महत्येचे कारण अस्पष्ट आहे. घटनेची माहिती मिळताच भुसावळ विभागाचे डीवायएसपी कृष्णकांत पिंगळे, पोलीस निरीक्षक डॉ. विशाल जयस्वाल, उपनिरीक्षक घनश्याम तांबे, तुषार पाटील, सतिश सानप, सचिन घुगे, राहुल परदेशी यांनी धाव घेतली. दोघेही पतीपत्नीचे शवविच्छेदन ग्रामीण रुग्णालयाचे शवविच्छेदन डॉ. वैभव गिरी यांनी केले.
