चाळीसगाव (प्रतिनिधी) शहरातील एका भागातील 20 वर्षीय तरुणीवर सुरूवातीला लग्नाच्या आमिषाने अत्याचार करण्यात आला. त्यानंतर खाजगी फोटो आणि व्हिडिओ व्हायरल करण्याची धमकी देत तरुणीवर वारंवार अत्याचार केल्याची धक्कादायक घटना घडली आहे. या प्रकरणी पोलिसांनी संशयित विष्णू उर्फ विश्वनाथ संतोष पवार याच्याविरोधात गुन्हा दाखल केला आहे.
शहरापासून काही अंतरावर 20 वर्षीय पिडीते सोबत ओळख निर्माण झाल्यानंतर संशयिताने लग्नाचे आमिष दाखवून अत्याचार केला. तसेच त्याबाबत फोटो काढून व्हिडिओ चित्रीकरण केले. यानंतर मी बोलावल्यानंतर तू आली नाही तर हे व्हिडिओ व फोटो व्हायरल करेल, अशी धमकी देत पिडीतेवर वारंवार अत्याचार केला. पिडीतेने लग्नाबाबत विचारणा केल्यानंतर पिडीत तरुणीला विष्णू उर्फ विश्वनाथ याने शिविगाळ करीत मारहाण केली. तसेच मी लग्न करणार नाही, असेदेखील सांगितले. त्यामुळे पिडीत तरुणीने पोलिसात तक्रार नोंदवली. ही घटना जून 2019 ते 13 मार्च 2023 दरम्यान वेळोवेळी घडली. तपास सहाय्यक निरीक्षक सागर ढिकले करीत आहेत.
