धरणगाव (प्रतिनिधी) तालुक्यातील ग्रामीण भागात बस सेवा पूर्ववत सुरू करण्याबाबत धरणगाव तालुका राष्ट्रवादी काँग्रेस पक्षातर्फे बस स्थानकचे वाहतूक नियंत्रक प्रल्हाद चौधरी यांना निवेदन देण्यात आले.
निवेदनात नमूद असे की, तालुक्यातील ग्रामीण भागातील बस सेवा बंद असल्याने सामान्य ग्रामीण नागरिक हवालदिल झाले आहे, तरी ग्रामीण भागातील बस सेवा पूर्ववत सुरू करावी. कोरोना महामारीमुळे बऱ्याच दिवसापासून बस सेवा बंद असल्याने ग्रामीण भागातील सर्व नागरिकांना शासकीय कार्यालय, रुग्णालय, विद्यार्थ्यांची शासकीय कामे, न्यायालयाची कामे, शेती साहित्य अश्या विविध कामांसाठी धरणगावला ये जा करावी लागत आहे. बस सेवा बंद असल्याने सामान्य ग्रामीण नागरिक हवालदिल झाले आहे. त्याचप्रमाणे ग्रामीण भागातील मुक्कामी पूर्वरत असलेली बस सेवा लवकरात लवकर सुरू न झाल्यास भविष्यात राष्ट्रवादी काँग्रेस पक्ष तीव्र आंदोलन करणार असे नमूद केले आहे.
निवेदन सादर प्रसंगी माजी नगराध्यक्ष ज्ञानेश्वर महाजन, राष्ट्रवादी पक्षाचे जिल्हा उपाध्यक्ष दिपक वाघमारे, जेष्ठ नेते मोहन पाटील, अरविंद देवरे, किरण पाटील, सागर वाजपेयी, गोरख पाटील, दिनेश भदाणे, अशोक जाधव, सागर चव्हाण, राहुल पाटील, धिरज भदाणे, गुलाबराव पाटील, बी एस परीहार आदी उपस्थित होते.
