नवी दिल्ली (वृत्तसंस्था) संयुक्त प्रवेश परीक्षा मुख्य (JEE Main) सत्र १ जून २०२२ चा निकाल ११ जुलै रोजी (मध्यरात्रीनंतर) घोषित करण्यात आला.
जेईई मुख्य परीक्षे 2022 सेशन १ चा निकाल नॅशनल टेस्टिंग एजन्सीकडून (NTA) जाहीर झाला आहे. या परीक्षेत पात्र ठरण्यासाठी सर्वसाधारण गटातील उमेदवारांसाठी ७५ टक्के गुण तर एसीसी, एसटी, अपंग व्यक्तींसाठी ६५ टक्के गुण मिळवणं गरजेचं आहे. यापरीक्षेची अंतिम उत्तराची यादी ६ जुलै २०२२ रोजी प्रसिद्ध करण्यात आली होती. नॅशनल टेस्टिंग एजन्सी (NTA) ने अधिकृत वेबसाइट jeemain.nta.nic.in वर JEE मुख्य निकाल जाहीर केला आहे. जूनमध्ये सत्र १ च्या परीक्षेला ७ लाखांहून अधिक विद्यार्थी बसल्याच अंदाज वर्तवण्यात आला होता. जेईई मेन २०२२ परीक्षा उत्तीर्ण झालेले उमेदवार आता जेईई अॅडव्हान्स २०२२ परीक्षेत बसण्यास पात्र असणार आहेत. JEE Advanced 2022 चा अंतिम कट ऑफ JEE मेन २०२२ साठी सत्र २ परीक्षा संपल्यानंतर NTA द्वारे जारी केला जाईल. जेईई मेन २०२२ सत्र २ साठी नोंदणी सध्या सुरू आहे. नोंदणी jeemain.nta.nic.in वरून ऑनलाइन केली जाऊ शकते.
‘या’ वेबसाईट्सवर ‘असा’ पाहता येईल जेईईचा निकाल
jeemain.nta.nic.in , ntaresults.ac.in, nta.ac.in, Direct Link – JEE Main Result 2022
जेईईच्या jeemain.nta.nic.in या मुख्य वेबसाईटवर जा नंतर JEE Main 2022 Session 1 Result या लिंकवर क्लीक करा. यानंतर आवश्यक ती माहिती भरा आणि सबमिट करा. त्यानंतर तुमचा निकाल तुम्हाला स्क्रीनवर दिसेल. तुमचा निकाल पाहा आणि तो डाऊनलोड करा. यानंतर निकालाच्या प्रतीची प्रिंट काढून जवळ ठेवा.