बैलोन (वृत्तसंस्था) उत्तर प्रदेशातून रोजगाराच्या शोधात १३ वर्षापूर्वी हैदराबादला गेलेल्या तरुणाला त्याच्या नातेवाईकांनी मृत समजले होते. मात्र आता महिनाभरापूर्वी तो घरी परतला तेव्हा त्याला कळाले की, नातेवाइकाने त्याच्या पत्नीचे दिराशी म्हणजे त्याच्या लहान भावाशी लग्न लावून दिले आहे. त्यानंतर हा तरुण नैराश्यात राहू लागला. दरम्यान, घरात कोणी नसताना त्याने साडीला छताच्या कुंडीला बांधून गळफास लावून घेतला.
बैलोन गावातील रहिवासी संत कुमार यांनी हैदराबादला गेल्यानंतर आपल्या नातेवाईकांशी संबंध तोडले होते, इकडे घरी असलेली पत्नी, दोन मुले, तसेच आई व लहान भाऊ रामू यांचा काहीही पत्ता लागला नाही. त्याने १३ वर्षापासून त्यांनी कोणाशीही संपर्क साधला नाही. त्यामुळे नातेवाइकांनी शोधाशोध केली मात्र काहीही साध्य झाले नाही. आठ वर्षे वाट पाहिल्यानंतर नातेवाइकांना संताचा मृत्यू झाला असावा असे वाटले. त्यानंतर जून २०२१ मध्ये नातेवाईकाने संताच्या पत्नीचे तिचा दिर रामूशी लग्न लावून दिले. रामूसोबत पत्नी म्हणून राहू लागल्याने आता त्यांना तीन वर्षांचा मुलगा देखील आहे.
एक महिन्यात तो साधूच्या घरी पोहोचला. पत्नीचे लग्न लहान भावाशी झाल्याची माहिती मिळाल्यानंतर तो नैराश्यात राहू लागला. सोमवारी सायंकाळी नातेवाईक शेताकडे गेले होते. तेव्हा घरात संत प्रसाद यांनी पत्नीची साडी छताला बांधून गळफास घेतला. घरी आल्यानंतर नातेवाइकांना हा प्रकार कळला, त्यानंतर त्यांनी पोलीसांना फोन करून याची माहिती दिली.
