धरणगाव (प्रतिनिधी) माजी पालकमंत्री तथा जेडीसीसी बॅंक चेअरमन गुलाबराव देवकर यांच्या सुचनेनुसार धरणगाव तालुक्यातील राष्ट्रवादीच्या प्रमुख पदाधिकारी यांची आढावा बैठक आज धरणगाव येथे संपन्न झाली.
या बैठकीत प्रमुख विषय राष्ट्रवादी सभासद नोंदणी अभियानास प्रत्येक गावा, गावात जाऊन सभासद नोंदणी अभियान करणे, आगामी नगरपालिका निवडणुकीच्या पार्श्वभूमीवर धरणगाव शहराच्या प्रत्येक वार्डात राष्ट्रवादी पक्षाचा उमेदवार कसा निवडून येईल यासाठी तयारी करणे, जिल्हा परिषद, पंचायत समिती, गण, गटात बैठाका लावणे, त्यात गावा-गावात युवक शाखा उघडणे, गण, गटात आगामी जिल्हा परिषद, पंचायत समिती निवडणुकीच्या पार्श्वभूमीवर तयारी करणे या विषयांचा समावेश होता. तसेच माजी मंत्री तथा जेडीसीसी बॅंकेचे चेअरमन गुलाबराव देवकर यांच्या नेतृत्वाखाली धरणगाव तालुका राष्ट्रवादी काँग्रेस भव्य कार्यकर्ता मेळावा आयोजित करणे या विषयावर देखील चर्चा झाली.
या बैठकीत प्रमुख पदाधिकारी माजी नगराध्यक्ष ज्ञानेश्र्वर महाजन, तालुकाध्यक्ष धनराज माळी, जिल्हा उपाध्यक्ष दिपक वाघमारे, माजी जि.प सदस्य रविंद्र पाटील, जेष्ठ नेते मोहन नाना पाटील, तालुका कार्यध्यक्ष अरविंद आबा देवरे, सामाजिक न्याय विभागाचे जिल्हाध्यक्ष अरविंद मानकरी, युवक तालुकाध्यक्ष नाटेश्वर पवार, शहरध्यक्ष निलेश चौधरी, युवक शहराध्यक्ष संभाजी कंखरे, बाजार समिती संचालक रगंराव आबा सांवत, महिला अध्यक्ष सुरेखा पाटील, किसान सभा अध्यक्ष शरद पाटील, ओबीसी अध्यक्ष अनिल पाटील आदि बहुसंख्य पदाधिकारी उपस्थित होते.
