मुक्ताईनगर (प्रतिनिधी) तालुक्यातील नांदवेल फाट्याजवळ मोटारसायकलवर जाणाऱ्या दाम्पत्याला अडवून त्यांच्याकडील रोकडसह सोन्याची पोत लांबविल्याची घटना घडली आहे. याप्रकरणी मुक्ताईनगर पोलीस ठाण्यात मिलिंद नीना इंगळे (रा. भोटा मुक्ताईनगर) याच्याविरुद्ध गुन्हा दाखल करण्यात आला आहे.
यासंदर्भात बाळू ममराज जाधव (वय ५०, रा. टाकळी मुक्ताईनगर) यांनी दिलेल्या फिर्यादीनुसार, दि. २९ मार्च २०२२ रोजी फिर्यादीची दुसरी पत्नी हे त्यांचे टाकळी फाट्यावर दुकान बंद करुन त्यांची मोटार सायकल वर सोबत मुक्ताईनगर येथे येत असतांना नांदवेल फाट्याजवळ यातील मिलिंद नीना इंगळे (रा. भोटा मुक्ताईनगर) हा मागुन त्याचे मोटार सायकलजवळ येऊन थांबवून म्हणाला की, तु माझ्या पत्नीला वारंवार फोन का करतो? असे म्हणुन चापटा बुक्यांनी मारहाण करुन फिर्यादी जवळील रोख रुपये ३२०० तसेच फिर्यादीची दुसरी पत्नी मुक्ताबाई हिचे गळ्यातील ४ ग्रॅम वजनाची ६००० रु.की.ची, सोन्याची पोत जबरीने चोरुन घेवुन गेला. याप्रकरणी मुक्ताईनगर पोलीस ठाण्यात मिलिंद नीना इंगळे याच्याविरुद्ध गुन्हा दाखल करण्यात आला आहे. तसेच पुढील तपास पोना संदिप मधुकर करीत आहेत.
