धरणगाव (प्रतिनिधी) जळगाव ग्रामीण विधानसभा क्षेत्रप्रमुख संजय पाटील यांनी आपल्या पदाचा राजीनामा दिला आहे.
शिवसेनेचे जळगाव विधानसभा क्षेत्रप्रमुख संजय पाटील यांनी आपला राजीनामा जिल्हाप्रमुख विष्णु भंगाळे यांच्याकडे पाठवला आहे. या राजीनामा पत्रात संजय पाटील यांनी म्हटले आहे की, मी महाराष्ट्राचे मुख्यमंत्री एकनाथ शिंदे आणि जळगाव ग्रामिणचे आमदार आमचे नेते गुलाबराव पाटील यांच्या समर्थनार्थ विधानसभा क्षेत्रप्रमुख पदाचा राजीनामा देत असल्यामुळे म्हटले आहे. धरणगाव तालुक्यातील पदाधिकाऱ्यांचे आज सकाळपासून राजीनामा सत्र सुरु आहे. आतापर्यंत धरणगाव शहर प्रमुख राजेंद्र महाजन, उपजिल्हाप्रमुख पी.एम. पाटील, साळवा-बांभोरी गटाचे युवासेना विभाग प्रमुख नितीन पाटील आणि युवासेना तालुका प्रमुख चेतन पाटील यांनी राजीनामे दिलेले आहेत. या राजीनामा सत्रामुळे शिवसेनेत मोठी खळबळ उडाली आहे.
