विज्ञान प्रदर्शन म्हणजे ग्रामीण भागातील विद्यार्थ्यांच्या सुप्तगुणांना दिशा देणारे विज्ञानपीठ : आ. चंद्रकांत पाटील !

बोदवड (प्रतिनिधी) विज्ञान प्रदर्शन हे ग्रामीण भागातील विद्यार्थ्यांच्या सुप्तगुणांना दिशा देणारे एक विज्ञानपीठ आहे. त्याचा उपयोग करून विद्यार्थ्यांनी राज्य व देशपातळीवर बोदवड तालुक्याचे नाव उंचवावे. विद्यार्थ्यांची कल्पनाशक्ती व वैज्ञानिक दृष्टीकोन विकसित करण्याचे काम झाले म्हणजे शासनाचा उद्देश सफल होईल, असे प्रतिपादन आमदार चंद्रकांत पाटील यांनी केले. ते एणगांव येथील जी डी ढाके हायस्कूलमध्ये संपन्न झालेल्या तालुकास्तरीय विज्ञान प्रदर्शनाच्या उद्घाटन प्रसंगी बोलत होते.
तालुक्यातील एणगांव येथील जी डी हायस्कूलमध्ये बोदवड तालुकास्तरीय विज्ञान प्रदर्शन आयोजित करण्यात आले होते.या प्रदर्शनास बोदवड पंचायत समिती गटविकास अधिकारी हेमंत काथेपुरी आणि गटशिक्षणाधिकारी बी एन लहासे,सरपंच सौ.अन्नपूर्णा विनोद कोळी,मुख्याध्यापक डॉ. पुरुषोत्तम गड्डम,केंद्रप्रमुख संजय पाटील, प्रतिमा चौधरी आणि तालुका विज्ञान समन्वयक सौ.वनिता अग्रवाल यांच्या मार्गदर्शनाखाली प्रदर्शन संपन्न झाले.
बक्षीसपात्र विद्यार्थी उच्च प्राथमिक गटात नीरज किशोर पाटील,(उपकरण:वाहतूक नियंत्रण, शाळा:जि.प.चिखली)प्रथम तर अंतरा कृष्णा पाटील द्वितीय,(उपकरण:पावसाचे साचलेले पाणी,शाळा:राष्ट्रीय विद्यालय, बोदवड)आणि तृतीय क्रमांक हर्ष मनोज अग्रवाल(उपकरण:इलेक्ट्रॉनिक सेव्हिंग मशीन, शाळा:रोझ पेटल्स इंग्लिश स्कूल, बोदवड) आणि विजयसिंह रमेश पाटील (उपकरण:भूकंप मापन मशीन,शाळा:जी जे राजपूत इंटरनॅशनल स्कूल,वरखेड) यांना विभागून देण्यात आला.
ध्यमिक गटात मुखदेश जितेंद्र जैन प्रथम (उपकरण:मल्टी लेअर फार्मिंग, शाळा:न ह रांका हायस्कूल बोदवड),तर द्वितीय जयेश उल्हास खडसे (उपकरण:मृदा व जलसंधारण,शाळा:नूतन माध्यमिक शाळा, हरणखेड) तृतीय क्रमांक भागवत रमेश भिवटे (उपकरण:वार्म हाऊस, शाळा:जी डी हायस्कूल, एणगांव )आणि मृणाल जितेंद्र जैन (उपकरण:रेन वाटर हार्वेस्टिंग,शाळा:न ह रांका विद्यालय, बोदवड) हिला उत्तेजनार्थ क्रमांक मिळाला. बक्षीसपात्र शिक्षक शमीना बी शेख बशीर (प्राथमिक स्तर-गाणितीय उपकरण,शाळा: ऊर्दू बॉईज स्कूल, बोदवड)तर माध्यमिक मध्ये अमितकुमार परखड (उपकरण :गाणितीय साधन,शाळा:महाजन विद्यालय, जामठी) यांना विजेते घोषित करण्यात आले.प्राथमिक गटात एकूण ५० वैज्ञानिक उपकरणे तर माध्यमिक शाळा गटात एकूण ३२ उपकरणे प्रदर्शनात ठेवण्यात आली होती.
आजचे जग विज्ञान शिक्षणावर आधारित आहे. ग्रामीण भागात बुद्धिमत्ता आहे. तिला योग्य वळण देण्यासाठी शिक्षकांनी आपले ज्ञान अद्ययावत ठेवून मुलांचे दीपस्तंभ व्हावे. विज्ञान प्रदर्शन हे विद्यार्थ्यांच्या सुप्त कल्पनांना जागृत करण्याचे एक साधन आहे, अशा विचारातून त्याकडे बघावे, असे प्रतिपादन गटशिक्षणाधिकारी बी.एन.लहासे यांनी केले. विद्यार्थ्यांच्या वैज्ञानिक संकल्पना अधिक दृढ व्हाव्यात यासाठी विज्ञान प्रदर्शन आयोजित करण्यात आले होते. मागील दोन वर्षात आभासी जगतातून शिकलेल्या नवनवीन प्रयोगांचा अखेर प्रत्यक्षरीत्या शुभारंभ या विज्ञान प्रदर्शनाद्वारे झाला असल्याचे शाळेचे मुख्याध्यापक डॉ. पुरुषोत्तम गड्डम यांनी सांगितले.बोदवड तालुका शिक्षण विभाग यांच्या विशेष मार्गदर्शनाखाली कोव्हीडंनंतर पहिल्यांदाच आयोजित करण्यात आलेल्या या प्रदर्शनास विद्यार्थी उस्फूर्त प्रतिसाद दिला.यावेळी तालुक्यातील यशवंत विद्यार्थ्यांना तथा शिक्षकांना मान्यवरांच्या हस्ते प्रशस्तीपत्र देऊन गौरविण्यात आले. कार्यक्रमाचे सूत्रसंचालन एन.आर.राजपूत यांनी केले.