चाळीसगाव (प्रतिनिधी) पंतप्रधान मोदीजींच्या विकासाच्या ट्रेनमध्ये सर्व समाजघटकांना जागा आहे. मात्र, याउलट इंडी आघाडी व महाविकास आघाडीच्या ट्रेनमध्ये फक्त त्यांच्या परिवाराला जागा आहे. त्यामुळे त्यांच्या ट्रेनमध्ये आता बसायला कुणी तयार नाही, अशा शब्दात आमदार मंगेशदादा चव्हाण यांनी विरोधकांवर टीका केली आहे.
महायुतीच्या उमेदवार स्मिताताई वाघ यांना गोपाळ समाजाने आपला जाहीर पाठिंबा घोषित केला. मोदीजींच्या सबका साथ… सबका विकास…या धोरणाने प्रभावित होत हा पाठिंबा देत असल्याचे त्यांनी यावेळी सांगितले. यावेळी आपल्या मनोगतात आमदार मंगेशदादा चव्हाण यांनी गेल्या १० वर्षात मोदीजींनी केलेल्या विकासकामांमुळे व राबविलेल्या जनकल्याणकारी योजनांमुळे छोट्या छोट्या समाजघटकांचे जीवनमान उंचावले आहे. मोदीजींच्या विकासाच्या ट्रेनमध्ये सर्व समाजघटकांना जागा आहे. मात्र, याउलट इंडी आघाडी व महाविकास आघाडीच्या ट्रेनमध्ये फक्त त्यांच्या परिवाराला जागा आहे त्यामुळे त्यांच्या ट्रेनमध्ये आता बसायला कुणी तयार नाही. मी गोपाळ समाजाचे अभिनंदन करतो की, त्यांनी योग्य निर्णय घेत योग्य नेतृत्वाला समर्थन देण्याचे जाहीर केले. पुढील काळात गोपाळ समाजाच्या उन्नती साठी सर्वोतोपरी सहकार्य करण्याचे यावेळी मंगेशदादा चव्हाण यांनी समाजबांधवांना आश्वस्त केले.
