जळगाव (प्रतिनिधी) औरंगाबाद जिल्ह्यातील वेगवेगळ्या ठिकाणाहून चोरीला गेलेल्या चार मोटारसायकल स्थानिक गुन्हे शाखेच्या पथकाने पाचोरा तालुक्यातून जप्त केल्या आहेत.
यासंदर्भात एक अशी की, स्थानिक गुन्हे शाखेचे पोलिस निरीक्षक किरणकुमार बकाले यांना गुप्त माहिती मिळाली होती की, औरंगाबाद जिल्ह्यातील वेगवेगळ्या ठिकाणाहून चोरलेल्या मोटारसायकली जळगाव जिल्ह्यात वापरात आहे. त्यानुसार श्री.बकाल यांनी स्थानिक गुन्हे शाखेचे सहाय्यक फौजदार अशोक महाजन, पो.हे.कॉ शरीफोद्दीन काझी, युनुस शेख, किशोर राठोड, विनोद पाटील, रणजित जाधव यांचे पथक पाचोरा तालुक्यात रवाना केले होते. त्यानुसार खुलताबाद येथील चोरीला गेलेल्या दोन मोटरसायकल क्रमांक एमएच २०, एफजे ६६२४ ही मोटारसायकल कल्पेश रवींद्र पाटील (रा.सावखेडा ता.पाचोरा) याच्याकडे तर तिसरी मोटर सायकल एमएच-२० एमएफ ६९३० ही मोटारसायकल शिवाजी कर्तारसिंग परदेशी (रा. सावखेडा ता. पाचोरा) याच्या ताब्यात होती. तसेच सिल्लोड ग्रामीण पोलीस स्थानकाच्या हद्दीतून चोरीला गेलेली मोटारसायकल क्रमांक एमएच २० एफडी ८५२१ ही मोटरसायकल कल्पेश रवींद्र पाटील यांच्या ताब्यात आढळून आली. तसेच खुलताबाद पोलीस स्थानकाच्या हद्दीतून चोरीला गेलेली रॉयल एनफिल्ड कंपनीची मोटर सायकल एमएच २० एफ आर ९२७४ ही वरखेडी बस स्टॅडवर असल्याची माहिती मिळाली होती. त्यानुसार मोटरसायकल ताब्यात घेऊन औरंगाबाद ग्रामीण औरंगाबाद ग्रामीण पोलिसांच्या ताब्यात देण्यात आल्या आहेत. दरम्यान, याप्रकरणी एकही आरोपी अटक करण्यात आली नसून त्यांचा शोध सुरु आहे.
