जळगाव (प्रतिनिधी) शहरातील सिंधी कॉलनी परिसरातून एकाच वर्गात शिकणारे १५ वर्षीय अल्पवयीन मुलगा आणि मुलगी हे गुरूवारी २८ डिसेंबर रोजी सकाळी ११ वाजेपासून बेपत्ता झाल्याची धक्कादायक घटना समोर आली आहे.
सिंधी कॉलनीतील दोन्ही विद्यार्थी एकाच वर्गात शिकत आहे. दरम्यान, गुरूवारी २८ डिसेंबर रोजी सकाळी ११ वाजता सिंधी कॉलनी पसिरात शाळेत असतांना दोन्ही अल्पवयीन विद्यार्थी हे बेपत्ता झाले. त्यांच्या नातेवाईकांनी त्यांचा सर्वत्र शोध घेतला परंतू दोघांबाबत कोणतीही माहिती मिळाली नाही. अखेर रात्री ११ वाजता विद्यार्थ्यांच्या पालकांनी एमआयडीसी पोलीस ठाण्यात धाव घेतली. दोन्ही अल्पवयीन मुलांना अज्ञात व्यक्तीने काहीतरी आमिष दाखवत फूस लावून पळवून नेल्याची तक्रार दिली आहे. त्यानुसार जळगाव एमआयडीसी पोलीस ठाण्यात अपहरणाचा गुन्हा दाखल करण्यात आला आहे. पुढील तपास पोलीस उपनिरीक्षक दिपक जगदाळे हे करीत आहे.
